బాలీవుడ్ ఎంట్రీ వ్యాఖ్యలపై వివరణ ఇచ్చుకున్న సూపర్ స్టార్
cinema | Suryaa Desk | Published : Wed, May 11, 2022, 01:26 PM
మేజర్ మూవీ ట్రైలర్ లాంచ్ ఈవెంట్ లో సూపర్ స్టార్ మహేష్ బాబు తన బాలీవుడ్ ఎంట్రీ పై చేసిన వ్యాఖ్యలు వైరల్ అయ్యాయి. బాలీవుడ్ నన్ను భరించలేదు... నన్ను భరించలేని పరిశ్రమలో అడుగు పెట్టి టైం వేస్ట్ చెయ్యదలచుకోలేదని అన్నారు. తను చేసిన వ్యాఖ్యలు ప్రజలకు వేరేవిధంగా చేరటంతో మహేష్ ఈ విషయం పై వివరణ ఇచ్చుకున్నారు.
మహేష్ నటిస్తున్న కొత్తచిత్రం సర్కారువారిపాట. పరశురామ్ డైరెక్షన్లో యాక్షన్ ఎంటర్టైనర్ గా తెరకెక్కిన ఈ చిత్రం మే 12 న విడుదలకాబోతుంది. ఈ మేరకు జరిగిన ఒక ప్రొమోషన్ కార్యక్రమంలో మహేష్ తన బాలీవుడ్ ఎంట్రీ వ్యాఖ్యలపై క్లారిటీ ఇచ్చారు. నాకు సినిమా అంటే ఇష్టం. అన్ని భాషల మీద అపారమైన గౌరవం ఉంది. అలవాటైన పరిశ్రమలో సినిమాలు చెయ్యటం వల్ల నాకు సౌకర్యంగా ఉంటుంది.... అని మహేష్ తెలిపారు . తెలుగు సినిమా ఖ్యాతి దేశవిదేశాలకు చేరుకోవడం పట్ల మహేష్ ఆనందం వ్యక్తం చేసారు. ఎస్ ఎస్ రాజమౌళితో తాను చేసే మూవీ పాన్ ఇండియా సినిమా అని మహేష్ ధృవీకరించారు. ఇలా మహేష్ తన స్టైల్ లో వివరణ ఇచ్చి రూమర్స్ కు చెక్ పెట్టారు.
|
|