ఏంటీ సగం ప్యాంటు వేసుకున్నావ్?... వైరలవుతున్న సర్కారోడి డైలాగ్
cinema | Suryaa Desk | Published : Thu, May 12, 2022, 04:07 PM
సూపర్స్టార్ మహేష్ బాబు నుండి తాజాగా విడుదలైన చిత్రం సర్కారువారిపాట. పరశురామ్ డైరెక్షన్లో కీర్తి సురేష్ కథానాయికగా నటించిన ఈ చిత్రం పక్కా కమర్షియల్ ఎంటర్టైనర్ గా మే 12న విడుదలై పాజిటివ్ టాక్ తో రన్ అవుతుంది. ప్రపంచవ్యాప్తంగా రెండువేలకు పైగా థియేటర్లలో విడుదలైన ఈ సినిమాలో మహేష్ చెప్పిన ఒక డైలాగ్ బాగా వైరలవుతుంది. కొంతమందేమో బన్నీ పై మహేష్ సెటైర్ వేసాడు అని అంటున్నారు. ఇంతకీ SVP లో హాట్ టాపిక్ ఐన ఆ డైలాగ్ ఏంటంటే? ఒక సన్నివేశంలో నటుడు సుబ్బరాజ్ పాదాల గిలకల (యాంకిల్ లెంగ్త్ ) కన్నా కొద్దిగా పైకి ఉండే ప్యాంట్ ను వేసుకుంటాడు. అప్పుడు మహేష్ అతన్ని ఏంటి సగం ప్యాంట్ వేసుకున్నావ్ అని అడిగితే, అతనేమో ఇప్పుడిదే ఫ్యాషన్ అని అంటాడు. అందుకు మహేష్ వెటకారంగా నవ్వుతాడు. ఇప్పుడీ డైలాగ్ సోషల్ మీడియాలో హాట్ టాపిక్. అల వైకుంఠపురం సినిమాలో బన్నీ అన్ని ఇలాంటి ప్యాంటు లనే వేసుకుంటాడు. ఇది దృష్టిలో పెట్టుకునే మహేష్ బన్నీ పై సెటైర్ వేశాడా? నిజమని కొంతమంది అంటుంటే, కాదని మరికొంతమంది అంటున్నారు
గత కొన్నాళ్లుగా మహేష్, అల్లుఅర్జున్ అభిమానులకు పొసగట్లేదనే విషయం తెలిసిందే. 2020సంక్రాంతి బరిలో పోటాపోటీగా దిగాయి మహేష్ నటించిన సరిలేరు నీకెవ్వరూ, బన్నీ నటించిన అల వైకుంఠపురంలో సినిమాలు. ధియేటర్ల విషయంలో ఈ రెండు చిత్రబృందాలకు మనస్పర్థలు వచ్చాయి. అవి ఇప్పటికీ కొనసాగుతూనే ఉన్నాయి. ఈ నేపథ్యంలోనే SVP లో మహేష్ చెప్పిన డైలాగ్ బన్నీ పై సెటైర్ గా నెటిజన్లు ట్రెండ్ చేస్తున్నారు.
|
|