అరబిక్ కుతూ పాటకు లిరిక్స్ అందించిన శివ కార్తికేయన్... కారణమేంటో తెలుసా?
cinema | Suryaa Desk | Published : Thu, May 12, 2022, 04:11 PM
కోలీవుడ్ స్టార్ హీరో విజయ్ నటించిన తాజా చిత్రం బీస్ట్. నెల్సన్ దిలీప్ కుమార్ డైరెక్షన్లో యాక్షన్ థ్రిల్లర్ గా తెరకెక్కిన ఈ మూవీ లో పూజా హెగ్డే హీరోయిన్. కోలీవుడ్ స్టార్ కంపోజర్ అనిరుధ్ రవిచంద్రన్ సంగీతం అందించారు. విడుదలకు ముందు ఈ సినిమా నుండి బయటికొచ్చిన అరబిక్ కుతూ పాట ఏరేంజులో హిట్ అయ్యిందో ప్రత్యేకంగా చెప్పనవసరం లేదు. యూట్యూబులో 140మిలియన్ వ్యూస్ తో ఈ పాట ఇప్పటికీ ప్లే అవుతుంది. అనిరుద్ అందించిన క్రేజీ మ్యూజిక్ కు క్యాచీ లిరిక్స్ జత కుదరడం వల్లనే ఈ పాట అంత పెద్ద హిట్ అయింది. అయితే, ఈ పాటకు లిరిక్స్ రాసింది ఎవరో తెలుసా? కోలీవుడ్ స్టార్ హీరో శివ కార్తికేయన్. అదేంటి ఆయన హీరో కదా! లిరిక్స్ రాయడమేంటి? అనుకుంటున్నారా. బేసిగ్గా, శివ కార్తికేయన్ అద్భుతమైన నటుడు, సింగర్. ఇక బీస్ట్ లోని అరబిక్ కుతూ పాటకు లిరిక్స్ ఎందుకు రాసాడంటే, అనిరుద్ కు శివ కార్తికేయన్ కు మధ్య ఉన్న స్నేహానుబంధం వల్లనే. ఫిలిం ఇండస్ట్రీలోనే కాక బయట కూడా వీరిద్దరూ మంచి స్నేహితులు. ఈ స్నేహంతోనే అరబిక్ కుతూ పాటకు లిరిక్స్ రాయమని అనిరుద్ శివ కార్తికేయన్ ను అడిగాడట. స్నేహితుడు నోరు తెరిచి అడగటంతో శివ కార్తికేయన్ అందుకు ఒప్పుకున్నాడట. ఈ విషయాన్ని స్వయంగా శివ కార్తికేయన్ ఒక కార్యక్రమంలో చెప్పారు. ఆయన నటించిన డాన్ సినిమా విడుదల మే 13న అంటే రేపే విడుదల కానుంది. ఈ మేరకు జరిగిన ఒక ప్రమోషన్ ఈవెంట్లో ఆయన ఈ విషయాన్ని ప్రేక్షకులతో పంచుకున్నారు.
|
|