ఇలాంటి రూమర్స్ వల్లనే పెళ్లి కావట్లేదు - బాలీవుడ్ క్వీన్ ఫైర్
cinema | Suryaa Desk | Published : Thu, May 12, 2022, 04:49 PM
బాలీవుడ్ క్వీన్ కంగనా రనౌత్ నటిస్తున్న లేడీ ఓరియెంటెడ్ చిత్రం ధాకడ్. గూఢచారి తరహా యాక్షన్ థ్రిల్లర్ గా దర్శకుడు రజనీష్ ఘాయ్ ఈ మూవీ ని తెరకెక్కిస్తున్నారు. అసెలం ఫిలిమ్స్, సోహం రాక్ స్టార్ ఎంటర్టైన్మెంట్స్, సోహెల్ మక్లాయి ప్రొడక్షన్స్ సంయుక్తంగా నిర్మిస్తున్న ఈ చిత్రంలో అర్జున్ రాంపాల్, దివ్యా దత్తా, సస్వత ఛటర్జీ ముఖ్య పాత్రలు పోషిస్తున్నారు. కంగనా ఈ సినిమాలో చేయబోతున్న భారీ యాక్షన్ సీన్స్ తో ఈ మూవీ పై నార్త్ ఆడియన్స్ లో మంచి బజ్ క్రియేట్ అయింది. బాలీవుడ్ హీరోలకు ధీటుగా కంగనా ఈ సినిమాలో యాక్షన్ ఎపిసోడ్స్ చేసిందని అంటున్నారు. దాదాపు వంద కోట్ల బడ్జెట్ తో తెరకెక్కుతున్న ఈ మూవీని పాన్ ఇండియా రేంజులో మే 20 న రిలీజ్ చేయబోతున్నారు.
తాజాగా ఈ మూవీ ప్రమోషన్స్ లో భాగంగా జరిగిన ఒక ఇంటర్వ్యూలో హోస్ట్ కంగనాను నిజజీవితం లో కూడా మీది ధాకడ్ క్యారెక్టరేనా ? అని ప్రశ్నించగా, ఆమె నవ్వుతూ" నిజజీవితంలో ఎవరినైనా అలా కొడితే ఊరుకుంటారా? అసలైనా నేనెందుకు కొడతాను? మీలాంటి వాళ్ళు ఇలాంటి రూమర్స్ ను స్ప్రెడ్ చెయ్యటం వల్లనే నాకింకా పెళ్లి కావట్లేదు.... అంటూ చాలా ఫన్నీగా సమాధానం చెప్పింది. పక్కనే ఉన్న కంగనా సహనటుడు అర్జున్ రాంపాల్ మాట్లాడుతూ... నిజజీవితంలో కంగనా చాలా మంచి మనిషి. సున్నిత స్వభావం కలది. దైవభక్తి కలది. యోగా కూడా చేస్తుంది... ఇలాంటి మంచి విషయాలను కూడా స్ప్రెడ్ చేస్తే కంగనా పట్ల ప్రేక్షకులకున్న అనుమానాలు తొలగిపోతాయి.... అంటూ నవ్వులు పూయించాడు.
|
|