USAలో సెన్సేషన్ ని సృష్టిస్తున్న 'సర్కారు వారి పాట'
cinema | Suryaa Desk | Published : Fri, May 13, 2022, 01:47 PM
పరశురామ్ పెట్ల దర్శకత్వంలో టాలీవుడ్ సూపర్ స్టార్ మహేష్ బాబు నటించిన 'సర్కారు వారి పాట' సినిమా ప్రపంచవ్యాప్తంగా థియేటర్లలో విడుదలైంది. ఈ సినిమా తొలి షోల నుండి మంచి వసూళ్లను రాబడుతోంది. ఈ సినిమాకి అభిమానులు, సినిమాప్రేమికులు అండ్ సెలబ్రిటీల నుంచి కూడా మంచి స్పందన వస్తోంది. ఈ సినిమాలో మహేష్ సరసన కీర్తి సురేష్ జంటగా నటిస్తుంది. సుబ్బరాజు, వెన్నెల కిషోర్ తదితరులు ఈ యాక్షన్ ఎంటర్టైనర్లో కీలక పాత్రలో కనిపించనున్నారు. తాజాగా ఇప్పుడు ఈ సినిమా USA ప్రీమియర్ల నుండి $912K వసూలు చేయడంతో USAలో నాన్-ఆర్ఆర్ఆర్ రికార్డును నెలకొల్పింది. 'RRR' USA ప్రీమియర్ల నుండి $4.5 మిలియన్లకు పైగా వసూలు చేసింది. అయితే లేటెస్ట్ రిపోర్ట్స్ ప్రకారం, 'సర్కారు వారి పాట' సినిమా USA ప్రీమియర్ల నుండి 47,750 ఫుట్ఫాల్స్ను వసూలు చేసినట్లు సమాచారం. GMB ఎంటర్టైన్మెంట్, మైత్రీ మూవీ మేకర్స్ మరియు 14 రీల్స్ ప్లస్ ఈ సినిమాని నిర్మిస్తున్నాయి. థమన్ స్ ఈ సినిమాకి సంగీతం అందిస్తున్నారు.
|
|