గుడ్ మార్నింగ్ కాదు మధ్యాహ్నం ముసలోడా ... అమితాబ్ రిప్లై తో షాకైన నెటిజన్
cinema | Suryaa Desk | Published : Mon, May 16, 2022, 04:24 PM
79 ఏళ్ళ వయసులోనూ ఎంతో ఉత్సాహంగా, చురుకుగా సినిమా షూటింగుల్లో పాల్గొంటున్నారు బిగ్ బి అమితాబ్ బచ్చన్. కేవలం సినిమాల్లోనే కాక వెబ్ సిరీస్ లోనూ, రియాలిటీ షోలలోనూ పాల్గొంటూ నేటితరం నటులకు ఆదర్శంగా నిలుస్తున్నారు. ఎందరో సినీ దిగ్గజాలకు, ప్రముఖులకు అమితాబ్ ఆదర్శం. దేశవ్యాప్తంగా ఆయనకు ఎందరో అభిమానులున్నారు. ఇక ఆయన సోషల్ మీడియా ఫ్యాన్ ఫాలోయింగ్ కూడా బాగానే ఉంటుంది. తనకు సంబంధించిన అప్ డేట్స్ ను ఎప్పటికప్పుడు సోషల్ మీడియాలో పోస్ట్ చేస్తూ అభిమానులతో నిత్యం టచ్ లోనే ఉంటారు. ఈ క్రమంలోనే ఉదయం 11.30 గంటలకు ఫేస్ బుక్ లో ‘‘గుడ్ మార్నింగ్’’ అని అమితాబ్ పోస్టు చేయగా, ఇంత ఎర్లీ మార్నింగ్ విష్ చేయడం ఏంటని ఓ నెటిజన్ వ్యంగ్యంగా స్పందించాడు. మరొక నెటిజన్ అయితే, ఒక అడుగు ముందుకేసి ఇది మధ్యాహ్నం ముసలోడా అంటూ కామెంట్ చేసి అమితాబ్ ను అవమానించాడు. ఇందుకు అమితాబ్ ఏమాత్రం నొచ్చుకోకుండా, చాలా స్పోర్టివ్ గా సమాధానమిచ్చాడు. తాను గత అర్ధరాత్రి నుంచి మార్నింగ్ వరకూ షూటింగ్ లో పాల్గొన్నానని, దాంతో మార్నింగ్ లేవడం ఆలస్యమైందని, కాబట్టే లేట్ గా విషెస్ చెప్పానన్నాడు అమితాబ్. మీరు చాలా కాలం బతకాలని ప్రార్థిస్తున్నా..ఈ క్రమంలో మిమ్మల్ని ఎవరూ ముసలోడు అని పిలిచి అవమానించకూడదని కోరుకుంటున్నా... అని తనను ముసలోడా అని సంభోదించిన వ్యక్తికి రిప్లయ్ ఇచ్చి రియల్ బిగ్ బి అనిపించుకున్నారు.
|
|