సూపర్ స్టార్ దర్శకుడితో విశ్వనటుడి సంప్రదింపులు... నెక్స్ట్ ప్రాజెక్ట్ కోసమేనా?
cinema | Suryaa Desk | Published : Mon, May 16, 2022, 09:40 PM
కోలీవుడ్ సూపర్ స్టార్ రజినీకాంత్ ను రెండు సార్లు డైరెక్ట్ చేసి తన ట్యాలెంట్ చూపించాడు డైరెక్టర్ పా రంజిత్. కబాలి లో రజినీకాంత్ ను స్టైలిష్ హీరో గా చూపిస్తే, కాలా లో మాస్ రజినీ ని సూపర్ స్టైలిష్ గా చూపించి సూపర్ స్టార్ అభిమానుల మెప్పును పొందాడు. తాజాగా రంజిత్ విశ్వనటుడు కమల్ హాసన్ తో సినిమా చేయబోతున్నట్టు వార్తలు వస్తున్నాయి. ఇప్పటికే ఆ చిత్ర స్టోరి గురించి కమల్, రంజిత్ లు చర్చించినట్లు తెలుస్తోంది. కమల్ ఈ ప్రాజెక్ట్ కు గ్రీన్ సిగ్నల్ ఇచ్చేసినట్లు టాక్. వీరిరువురికి సంబంధించిన ఫొటో ఒకటి ప్రస్తుతం సోషల్ మీడియాలో బాగా వైరలవుతోంది. అయితే ఈ విషయాన్ని రంజిత్ కానీ, కమల్ కానీ అధికారికంగా ప్రకటించలేదు.
ప్రస్తుతం లోకేష్ కనగరాజన్ డైరెక్టోరియల్ విక్రమ్ కోసం కమల్ ఎదురుచూస్తున్నాడు. జూన్ 3న ఈ సినిమా ప్రేక్షకుల ముందుకు రాబోతుంది. ఈ ఫిల్మ్ ప్రమోషన్స్ లో బిజీగా ఉన్న కమల్ రిలీజైన వెంటనే, రంజిత్ చెయ్యబోయే సినిమాను అధికారికంగా ప్రకటించి వీలైనంత త్వరగా సెట్స్ పైకి తీసుకెళతారన్నట్టు తెలుస్తోంది.
|
|