చిరంజీవికి మెగా అభిమానుల చిరు విన్నపం
cinema | Suryaa Desk | Published : Tue, May 17, 2022, 12:58 PM
ఇటీవల విడుదలైన మెగాస్టార్ చిరంజీవి 153వ చిత్రం ఆచార్య బాక్సాఫీస్ వద్ద డిజాస్టర్ గా నిలిచిన విషయం అందరికి తెలిసిందే. మెగా అభిమానులను ఉత్సాహపరచటానికి చిరంజీవి చేతిలో ఇంకా నాలుగు ప్రాజెక్టులున్నాయి. మోహన్ గాంధీ డైరెక్షన్లో తెరకెక్కుతున్న గాడ్ ఫాదర్ సినిమా షూటింగ్ ఇప్పటికే పూర్తవగా, మిగిలిన సినిమాల షూటింగులు అంతిమ దశలో ఉన్నాయి. ప్రస్తుతం మెగాస్టర్ అమెరికా పర్యటనలో బిజీగా ఉన్నారు కాబట్టి ఈ సినిమా షూటింగులన్నిటికి ఒక నెల బ్రేక్ పడింది. మెగాస్టార్ అమెరికా నుండి తిరిగి రాగానే ఈ మూవీస్ మళ్ళి పట్టాలెక్కుతాయి. అయితే, తాజాగా విడుదలైన కమల్ హాసన్ విక్రమ్ మూవీ ట్రైలర్ తో చిరంజీవికి ఆయన అభిమానులు ఒక విషయం చెప్పాలనుకుంటున్నారు. అదేంటంటే, విక్రమ్ ట్రైలర్ లో కమల్ యాక్షన్, ఫిట్ నెస్, యాక్షన్ సీన్లు, విజయ్ సేతుపతి, ఫాహద్ ఫాజిల్ ల విలక్షణ నటన తో విక్రమ్ సినిమాపై బోలెడన్ని అంచనాలు ఏర్పడ్డాయి. దీంతో చిరంజీవి కూడా ఇలాంటి సినిమాలు, కమల్ పోషించిన పాత్రలను పోషించాలని కోరుకుంటున్నారు. ఆయన సోలో హీరోగా కాకుండా, యువహీరోల సినిమాలలో కూడా ముఖ్యపాత్రలు పోషించాలని కోరుకుంటున్నారు. సత్యదేవ్, నవదీప్ లాంటి మిడిల్ రేంజ్ హీరోలకు తన సినిమాలలో ఛాన్సులివ్వడం కాదు, కుర్రహీరోల సినిమాలలో చిరు నటిస్తే, వాళ్ళకి సపోర్ట్ చేసినట్టు, హెల్ప్ చేసినట్టు కూడా ఉంటుంది. అలాంటి సినిమాలను చేసినపుడు చిరు మరింత పాపులర్ అవుతారు. ఆయన క్రేజ్ బాగా పెరుగుతుందని అభిమానులు అభిప్రాయపడుతున్నారు. చూద్దాం...,భవిష్యత్తులోనైనా చిరు తీరు మారుతుందేమో.
|
|