TFIలో అత్యధికంగా వీక్షించబడిన 3వ మోషన్ పోస్టర్ గా 'ఖుషి'
cinema | Suryaa Desk | Published : Wed, May 18, 2022, 01:47 PM
టాలీవుడ్ యంగ్ అండ్ సేనాషనల్ హీరో విజయ్ దేవరకొండ, శివ నిర్వాణ దర్శకత్వంలో ఒక సినిమాని ప్రకటించిన సంగతి అందరికి తెలిసిందే. ఈ సినిమాలో విజయ్ దేవరకొండ సరసన గ్లామర్ బ్యూటీ సమంత రూత్ ప్రభు జంటగా కనిపించనుంది. ఈ సినిమా పూజా కార్యక్రమాలతో అధికారికంగా లాంచ్ అయింది. తాజాగా మూవీ మేకర్స్ ఈ సినిమా టైటిల్తో పాటు, మోషన్ పోస్టర్ను కూడా విడుదల చేశారు. ఈ సినిమా మోషన్ పోస్టర్ 24 గంటల్లో 2.59 మిలియన్ల వీక్షణలను పొందింది. అంతేకాకుండా తెలుగు ఫిలిం ఇండస్ట్రీలో అత్యధికంగా వీక్షించబడిన 3వ మోషన్ పోస్టర్గా నిలిచింది. ఈ సినిమా డిసెంబర్ 23, 2022న ప్రపంచవ్యాప్తంగా తెలుగు, తమిళం, కన్నడ, మలయాళ భాషల్లో విడుదల కానుంది. ఫ్యామిలీ ఎంటర్టైనర్ ట్రాక్ లో రానున్న ఈ సినిమాలో సచిన్ ఖేడాకర్, మురళీ శర్మ, లక్ష్మి, అలీ, రోహిణి, వెన్నెల కిషోర్, రాహుల్ రామకృష్ణ, శ్రీకాంత్ అయ్యంగార్, శరణ్య తదితరులు కీలక పాత్రలు పోషిస్తున్నారు. హృదయం ఫేమ్ హేషమ్ అబ్దుల్ వహాబ్ ఈ చిత్రానికి సంగీతం అందిస్తున్నారు. మైత్రీ మూవీ మేకర్స్ ఈ సినిమాని నిర్మిస్తుంది.
|
|