'కేజీఎఫ్ 2' పై ప్రశంసల వర్షం కురిపించిన స్టార్ డైరెక్టర్
cinema | Suryaa Desk | Published : Wed, May 18, 2022, 02:04 PM
ప్రశాంత్ నీల్ దర్శకత్వంలో రాకింగ్ స్టార్ యష్ నటించిన 'KGF: చాప్టర్ 2' ప్రపంచవ్యాప్తంగా థియేటర్లలో గ్రాండ్ గా విడుదలైంది. యాక్షన్ ఎంటర్టైనర్ ట్రాక్ లో వచ్చిన ఈ సినిమాలో యాష్ సరసన శ్రీనిధి శెట్టి లేడీ లవ్ గా నటించింది. రవీనా టాండన్, సంజయ్ దత్, రావు రమేష్, ప్రకాష్ రాజ్ తదితరులు ఈ సినిమాలో కీలక పాత్రలు పోషించారు. ఈ సినిమా భారీ స్థాయిలో రికార్డ్స్ ని బ్రేక్ చేస్తుంది. తాజాగా ఇప్పుడు స్టార్ డైరెక్టర్ శంకర్ షణ్ముగం శాండల్వుడ్ మాగ్నమ్ ఓపస్ 'KGF-2' సినిమాపై ప్రశంసలు కురిపించారు. 'చివరికి KGF-2 చూశాను. స్టోరీ, స్క్రీన్ ప్లే మరియు ఎడిటింగ్ అత్యాధునిక శైలి. మాకు "పెరియప్ప" అనుభవాన్ని అందించిన దర్శకుడు ప్రశాంత్ నీల్ కి ధన్యవాదాలు' అంటూ ట్విట్టర్ లో ట్వీట్ చేసారు. రవి బస్రూర్ సంగీతం అందించిన ఈ చిత్రాన్ని హోంబలే ఫిలింస్ నిర్మించింది.
|
|