ప్రభాస్ 'సాలార్'కి సంబంధించిన మేజర్ అప్డేట్
cinema | Suryaa Desk | Published : Thu, May 19, 2022, 12:53 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ యాక్షన్ ఎంటర్టైనర్ సినిమాలో గోపీ, జగపతిబాబు, పృథ్వీరాజ్ సుకుమారన్ కీలక పాత్రలో కనిపించనున్నారు. మే 24వ తేదీన ఈ సినిమా షెడ్యూల్ని ప్రారంభించేందుకు మూవీ మేకర్స్ ప్లాన్ చేస్తున్నట్లు సమాచారం. ఇప్పటికే 35% షూటింగ్ పూర్తయిందని మూవీ మేకర్స్ వెల్లడించారు. తాజాగా ఇప్పుడు మూవీ మేకర్స్ సోషల్ మీడియాలో ఒక వీడియో గ్లింప్సె ని విడుదల చేశారు. ఈ వీడియో గ్లింప్సె లో దర్శకుడు ప్రశాంత్ నీల్ మరియు ఆర్ట్ డైరెక్టర్ శివకుమార్ యాక్షన్ సీక్వెన్స్ గురించి ఆసక్తిగా చర్చిస్తున్నట్లు తెలుస్తుంది. ఈ వీడియో ప్రభాస్ అభిమానులకి సినిమాపై క్యూరియాసిటీని పెంచుతోంది. రవి బస్రూర్ ఈ సినిమాకి సంగీతం అందిస్తున్నారు. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|