అన్ని భాషల్లో డబ్బింగ్ చెప్పి మరోసారి సత్తా చాటిన తారక్
cinema | Suryaa Desk | Published : Fri, May 20, 2022, 12:37 PM
ఆర్ ఆర్ ఆర్ చిత్రం కోసం అన్ని భాషల్లో తన పాత్రకు తానే సొంతంగా డబ్బింగ్ చెప్పుకున్న టాలీవుడ్ స్టార్ హీరో జూనియర్ ఎన్టీఆర్, మరోసారి తన గంభీరమైన గొంతుతో మ్యాజిక్ చేసారు. కొరటాల శివ డైరెక్షన్లో తెరకెక్కబోతున్న తారక్ 30వ సినిమా మోషన్ పోస్టర్ నిన్ననే రిలీజయ్యింది. పాన్ ఇండియా సినిమాగా భారీ బడ్జెట్టుతో తెరకెక్కుతున్న ఈ చిత్రాన్ని నందమూరి కళ్యాణ్ రామ్, మిక్కిలినేని సుధాకర్ సంయుక్తంగా నిర్మిస్తున్నారు. మే 20న ఎన్టీఆర్ పుట్టినరోజుని పురస్కరించుకుని విడుదలైన NTR #30 మోషన్ పోస్టర్ తెలుగు, తమిళం, మలయాళం, హిందీ, కన్నడ భాషలలో ఒకేసారి విడుదలైంది. ఒక్క మలయాళం లో తప్ప మిగిలిన అన్ని భాషలలో ఎన్టీఆర్ స్వయంగా డబ్బింగ్ చెప్పారు. పవర్ఫుల్ డైలాగును ఎన్టీఆర్ బేస్ వాయిస్లో వింటుంటే ప్రేక్షకులకు గూజ్ బంప్స్ రావడం ఖాయం. ఎన్టీఆర్ డిక్షన్, భాష మీద పట్టు, డైలాగ్ చెప్పిన విధానము ఆయా భాషల్లో నేటివ్ ప్రజలు మాట్లాడుకునేంత సహజంగా ఉన్నాయి. ఇక పూర్తి సినిమాలో కూడా ఎన్టీఆర్ డబ్బింగ్ చెప్పబోతున్నారు. వచ్చే నెల నుండి ప్రారంభమయ్యే ఈ సినిమా పై కొరటాల శివ, నందమూరి అభిమానులు, ప్రేక్షకులు భారీ అంచనాలనే పెట్టుకున్నారు.
|
|