మలైకాతో పెళ్లిపై పరోక్షంగా స్పందించిన అర్జున్ కపూర్
cinema | Suryaa Desk | Published : Fri, May 20, 2022, 12:45 PM
బాలీవుడ్ స్టార్ సెలెబ్రిటీలు ఒక్కొక్కరిగా వివాహం చేసుకుంటుండడంతో, బాలీవుడ్ లో పెళ్లిళ్ల సీజన్ నడుస్తుందని మీడియా పేర్కొంటుంది. ఆరునెలల గ్యాప్ లో కత్రినా కైఫ్-విక్కీ కౌశల్, ఆలియాభట్ - రణ్ బీర్ కపూర్ వంటి స్టార్ హీరో హీరోయిన్ల పెళ్లిళ్లతో బాలీవుడ్ లో ఓ రేంజులో సందడి నెలకొంది. ఈ పెళ్లిళ్ల సీజన్ ని కంటిన్యూ చేస్తూ త్వరలోనే మరో బాలీవుడ్ ప్రేమ పక్షులు వివాహబంధంతో ఒక్కటవబోతున్నారని కొన్ని రోజులుగా మీడియాలో వార్తలు వస్తున్నాయి. ఆ జంట మరెవరో కాదు మలైకా అరోరా - అర్జున్ కపూర్. వీరిద్దరూ ఎప్పటినుండో ప్రేమ జీవితాన్ని ఆస్వాదిస్తున్నారు.తాజాగా వీరి ప్రేమను మరో మెట్టెక్కించి పెళ్లి చేసుకోవాలనుకుంటున్నారని బాలీవుడ్ మీడియా కోడై కూసింది. ఈ ఏడాది నవంబర్, డిసెంబర్ లలో వీర్ వివాహం జరిగే అవకాశం ఉందని పేర్కొంది. అయితే, ఈ వార్తలను అర్జున్ పరోక్షంగా ఖండించారు. నా జీవితంపై నాకన్నా వేరేవాళ్లు చూపిస్తున్న ఇంటరెస్ట్, క్యూరియాసిటీ ఎక్కువగా ఉంది... అంటూ తన ఇంస్టాగ్రామ్ ఖాతాలో స్టోరీ షేర్ చేసాడు. ఈ కామెంట్ కి లాఫింగ్ ఎమోజీని జత చెయ్యడంతో వీరి పెళ్లి వార్తలు ఒత్తి పుకార్లే అని అర్జున్ కొట్టిపారేసినట్టు తెలుస్తోంది. వయసులో మలైకా కన్నా అర్జున్ పన్నెండేళ్ళు చిన్నవాడు. మలైకా వయసు 48 ఐతే అర్జున్ వయసు 36ఏళ్ళు. దీంతో వీరిద్దరి రిలేషన్ పై పలు విమర్శలు వస్తున్నాయి.
|
|