పెళ్లి వార్తలపై వినూత్నంగా స్పందించిన హీరోయిన్
cinema | Suryaa Desk | Published : Mon, May 23, 2022, 12:41 PM
మహేష్ బాబు నటించిన 'భరత్ అనే నేను' సినిమాతో తెలుగు ప్రేక్షకులను పలకరించిన బాలీవుడ్ గ్లామర్ బ్యూటీ కియారా అద్వానీ. ఆ తర్వాత రామ్ చరణ్ తో వినయ విధేయ రామ సినిమాలోనూ నటించింది. ప్రస్తుతం తెలుగులో శంకర్ దర్శకత్వంలో రామ్ చరణ్ నటిస్తున్న RC #15 చిత్రంలో హీరోయిన్ గా నటిస్తుంది. ఇటీవలే కియారా హిందీలో నటించిన భూల్ భులాయియా చిత్రం విడుదలై సూపర్ హిట్ టాక్ తో రన్ అవుతుంది. ఈ చిత్రం మూడు రోజుల్లో రూ. 50 కోట్లకు పైగా వసూలు చేసింది. త్వరలోనే కియారా నటించిన మరో సినిమా జగ్ జగ్ జీయో ప్రేక్షకుల ముందుకు రాబోతుంది. ఈ మూవీ ట్రైలర్ రిలీజ్ కార్యక్రమం నిన్న ముంబైలో చాలా ఘనంగా జరిగింది. ఈ కార్యక్రమంలో, సినిమాలో ప్రధాన పాత్రలను పోషించిన అనిల్ కపూర్, నీతూ కపూర్, వరుణ్ ధావన్, కియారా అద్వానీ , ప్రొడ్యూసర్ కరణ్ జోహార్ తదితరులు పాల్గొన్నారు. ఈ కార్యక్రమంలో భాగంగా జరిగిన విలేఖరుల సమావేశంలో కియరాకు ఒక ఆసక్తికర ప్రశ్న ఎదురైంది. పెళ్లికి సంబంధించి ప్లాన్ ఏంటి? అని విలేఖరి అడిగిన ప్రశ్నకు, కియారా డిఫరెంట్ గా ఆన్సరిచ్చి, ఆ విలేఖరి నోట మాట రాకుండా చేసింది. పెళ్లి చేసుకోకపోయినా, నేను ఆర్ధికంగా బాగానే స్థిరపడ్డాను. నేను పని చేస్తున్నాను, డబ్బు సంపాదిస్తున్నాను, చాలా ఆనందంగా ఉన్నాను... అని కియారా చెప్పుకొచ్చింది.
బాలీవుడ్ స్టార్ హీరో సిద్దార్థ్ మల్హోత్రాతో కియారా డేటింగ్ లో ఉందని, త్వరలోనే వీరిద్దరూ పెళ్లికూడా చేసుకుంటారని బాలీవుడ్ మీడియా కోడై కూస్తున్న తరుణంలో కియారా చేసిన ఈ వ్యాఖ్యలు కొన్ని అనుమానాలకు దారితీస్తున్నాయి.
|
|