బాలకృష్ణ తో చేసేది సినిమా కాదు, ప్రయోగం - అనిల్ రావిపూడి
cinema | Suryaa Desk | Published : Mon, May 23, 2022, 02:09 PM
నందమూరి నటసింహం బాలకృష్ణ త్వరలోనే వినోదభరిత చిత్రాల దర్శకుడు అనిల్ రావిపూడితో కలిసి సినిమా చెయ్యనున్నారు. ప్రస్తుతం గోపీచంద్ మలినేనితో కలిసి NBK#107 సినిమా చేస్తూ బాలయ్య చాలా బిజీగా ఉన్నారు. ఇటు, అనిల్ రావిపూడి కూడా ఎఫ్ 3 ప్రమోషన్స్ తో చాలా బిజీగా ఉన్నాడు. వెంకటేష్, వరుణ్ తేజ్, తమన్నా, మెహ్రీన్ ప్రధాన పాత్రలు పోషించిన ఎఫ్ 3 మూవీ ఈ నెల 27న ప్రేక్షకుల ముందుకు రానుంది. ఈ నేపథ్యంలో గత కొన్ని రోజుల నుండి ప్రచార కార్యక్రమాలు చేస్తూ చిత్రబృందం బిజీగా గడుపుతుంది. ప్రొమోషన్స్ లో భాగంగా జరిగిన ఒక ఇంటర్వ్యూలో అనిల్ రావిపూడి మాట్లాడుతూ తన తదుపరి చిత్రంపై ఆసక్తికర విషయాలను వెల్లడించారు. బాలయ్యతో తను తీయబోయే సినిమాను సినిమా అనటం కన్నా ఒక ప్రయోగం అంటే బావుంటుందని, ఇదివరకెన్నడూ కనిపించని విధంగా తెరపై బాలయ్యను చూపించబోతున్నట్టు అనిల్ తెలిపారు. ఇందులో ఒక యాభై యేళ్ళున్న మధ్య వయస్కుడి పాత్రలో బాలయ్య నటించబోతున్నారని, ఆయనకు కూతురిగా యంగ్ హీరోయిన్, పెళ్లి సందడి ఫేమ్ శ్రీలీల నటించబోతుందని తెలిపి ప్రేక్షకాభిమానులను ఆశ్చర్యానికి గురిచేసారు. పోకిరి, గబ్బర్ సింగ్, అర్జున్ రెడ్డి సినిమాలలో హీరో పాత్ర ఎంత బరువుగా ఉంటుందో, డైరెక్టర్స్ ఆ పాత్రని తెరపై ఎంత పవర్ఫుల్ గా ఆవిష్కరించారో ఆ తరహాలోనే తన సినిమాలో బాలయ్య పాత్ర ఉంటుందని అనిల్ తెలిపారు.
|
|