ప్రభాస్, తారక్ అభిమానుల నుండి ప్రశాంత్ కు విన్నపాలు

కేజీఎఫ్ 1,2 లతో దేశవ్యాప్తంగా సంచలనం సృష్టించిన దర్శకుడు ప్రశాంత్ నీల్. రాజమౌళి ఆర్ ఆర్ ఆర్ సినిమా వసూళ్ల కన్నా కేజీఎఫ్ 2 మూవీ కలెక్షన్స్ ఎక్కువగా ఉన్నాయంటే, ఈ సినిమా వెండితెరపై ఎలాంటి మ్యాజిక్ ను చేసిందో అర్ధం చేసుకోవాలి. రాకింగ్ స్టార్ యష్ తో కేజీఎఫ్ ఫ్రాంచైజీ తర్వాత ప్రశాంత్ నీల్ రెబల్ స్టార్ ప్రభాస్ తో, యంగ్ టైగర్ ఎన్టీఆర్ తో వరసగా సినిమాలను ప్రకటించాడు. దీంతో డార్లింగ్, తారక్ అభిమానులు ప్రశాంత్ నీల్ కు తమ విన్నపాలను సోషల్ మీడియా ద్వారా తెలియచేస్తున్నారు. 

కేజీఎఫ్ పార్ట్ 1, పార్ట్ 2 రెండు సినిమాలు కూడా డార్క్ మూడ్ లో, యాష్ టింట్ తో, టెర్రిఫిక్ హీరోయిజం ఎలివేషన్స్ తో, నాన్ లీనియర్ స్క్రీన్ ప్లే తో రూపొందించబడ్డాయి. అప్పటివరకు వచ్చిన సినిమాలలో  కలర్ ఫుల్ ఫ్రేమ్ లను చూసిన ప్రేక్షకులకు ప్రశాంత్ నీల్ కొత్త రుచిని చూపించటంతో ఆ రెండు సినిమాలకు జనాలు జేజేలు కొట్టారు. ప్రభాస్ ఫస్ట్ లుక్ పోస్టర్, షూటింగ్ లొకేషన్స్ నుండి లీకవుతున్న కొన్ని ఫోటోలను బట్టి సలార్ సినిమా కూడా కేజీఎఫ్ ఫీలింగ్ ను అంటే, అదే డార్క్ మూడ్, యాష్ టింట్ ను కలిగివుంటుందని తెలుస్తుంది. రీసెంట్ గా విడుదలైన ఎన్టీఆర్ 31 ప్రీ లుక్ పోస్టర్ కూడా సేమ్ కేజీఎఫ్ ఫీలింగ్ నే కలుగజేస్తుంది. ఇలా తాను చేసే ప్రతి సినిమాలో ప్రశాంత్ కేజీఎఫ్ తరహా టింట్, టెక్స్చర్ లను కొనసాగిస్తుండటమే ప్రభాస్, తారక్ అభిమానుల గుండెల్లో గుబులు రేపుతుంది. ప్రతి సినిమాను ఒకే తరహాలో చూపిస్తే ప్రేక్షకులు మొనాటనీ ఫీల్ అవుతారు. అలాంటి చిత్రాలు కంటెంట్ ఎంత బావున్నా బాక్సాఫీస్ వద్ద బోల్తా పడ్డ సందర్భాలు కూడా ఉన్నాయి. బాలీవుడ్ స్టార్ డైరెక్టర్ అశుతోష్ గోవారికర్ లగాన్ తో ఆల్ టైం బ్లాక్ బస్టర్ హిట్ ను కొట్టగా, అదే తరహాలో తెరకెక్కించిన హిస్టారికల్ మూవీస్ పానిపట్, స్వదేశ్ సినిమాలకు బాలీవుడ్ జనాలు తగిన ఇంటరెస్ట్ ను చూపించలేదు. అలా ప్రశాంత్ నీల్ తదుపరి సినిమాలు కాకూడదని అభిమానులు కొసరుకుంటున్నారు. అందుకే ఆయన అభిమానులు, సదరు హీరోల అభిమానులు ప్రశాంత్ కు కేజీఎఫ్ తరహా డార్క్ మూడ్ ఉన్న సినిమాలను చెయ్యొద్దని, ప్రేక్షకులను బోర్ కొట్టించవద్దని సోషల్ మీడియా వేదికగా రిక్వెస్ట్ చేస్తున్నారు.