కాబోయే భర్తతో కలిసి ఆలయానికెళ్లిన హీరోయిన్
cinema | Suryaa Desk | Published : Tue, May 24, 2022, 05:02 PM
దక్షిణాది సినీ ఇండస్ట్రీలలో లేడీ సూపర్ స్టార్గా వెలుగొందుతున్న స్టార్ హీరోయిన్ నయనతార త్వరలో పెళ్లి పీటలు ఎక్కనుంది. కొన్నేళ్లుగా తమిళ దర్శకుడు విఘ్నేష్ శివన్తో ప్రేమలో ఉన్న ఈ భామ ఇటీవలే సీక్రెట్గా ఎంగేజ్మెంట్ చేసుకుంది. ఇక పెళ్లిని తిరుమలలో చేసుకోవాలని భావించి, అక్కడ పెళ్లి మండపాలను స్వయంగా ఇటీవల పరిశీలించారు. ఈ తరుణంలో వీరిద్దరకూ కలిసి తమ కులదైవంగా భావించే వళుత్తియూరి ఆలయానికి మంగళవారం వెళ్లి ప్రత్యేక పూజలు నిర్వహించారు.
చెన్నై నుంచి నయన్-విఘ్నేష్ జంట విమానంలో తిరుచ్చికి వీరు వెళ్లారు. అక్కడి నుంచి తంజావూరు జిల్లా అయ్యంపేట వళుత్తియూరికి వెళ్లి, ఆలయంలో పూజలు చేశారు. తమ పెళ్లి పత్రిక తొలి కార్డును కులదైవం పాదాల చెంత ఉంచి పూజలు చేశారని తెలుస్తోంది. జూన్ 9న తిరుమలలో వీరి వివాహం జరగనుందనే సన్నిహితులు ఇప్పటికే ప్రకటించారు. ఇక త్వరలో పెళ్లి ఉండడంతో కొత్త సినిమాలను నయనతార ఒప్పుకోవడం లేదు.
|
|