ట్రెండింగ్
మళ్లీ మోదీయే పీఎం కావాలి : కంగనా
cinema | Suryaa Desk | Published : Mon, Jul 30, 2018, 11:15 AM
నరేంద్రమోదీ మరోసారి ప్రధానమంత్రి కావాలని హిందీ నటి కంగనా రనౌత్ ఆకాంక్షించారు. అంతే కాదు... 2019 ఎన్నికల్లో ఆయన విజయం సాధించి అధికార పీఠాన్ని అందుకుంటారని ధీమా వ్యక్తం చేశారు. మోదీ బాల్యజీవితం స్ఫూర్తితో రూపొందిన లఘు చిత్రం ‘చలో జీత్ హై’ ప్రదర్శనకు హాజరైన కంగనా రనౌత్ ఆయనపై ప్రశంసలు కురిపించారు. ‘‘తల్లిదండ్రుల వల్ల కాకుండా స్వయంకృషితో, ఎంతో కష్టపడి మోదీ ఈ స్థాయికి చేరుకున్నారు. అధికారానికి ఆయన అన్ని విధాలా అర్హతలున్న వ్యక్తి. ప్రస్తుతం మన దేశం అగాథంలో ఉంది. దాన్నుంచి బయట పడేయాలంటే ఐదేళ్లు సరిపోవు. అందుకని మరోసారి ఆయన అధికారంలోకి రావాలని ఆకాంక్షిస్తున్నా. మోదీ విశ్వసనీయతపై ఎలాంటి సందేహాలు ఉండకూడదు’’ అని కంగనా రనౌత్ వ్యాఖ్యానించారు.
|
|