జక్కన్న ఫ్యామిలీ చేసిన పనికి డిజప్పాయింటైన ఎనర్జిటిక్ హీరో
cinema | Suryaa Desk | Published : Fri, May 27, 2022, 04:22 PM
టాలీవుడ్ ఎనర్జిటిక్ హీరో రామ్ పోతినేని ప్రస్తుతం లింగుస్వామి డైరెక్షన్లో ది వారియర్ సినిమా చేస్తూ చాలా బిజీగా ఉన్నాడు. ఆ వెంటనే బోయపాటితో పాన్ ఇండియా సినిమాను ప్లాన్ చేసాడు. ఈ సినిమాకు రామ్ ఉస్తాద్ అనే టైటిల్ ను పెట్టాలని ఎంతో ఆశపడ్డాడట. రామ్ ఆశలపై జక్కన్న ఫ్యామిలీ నీళ్లు చల్లిందట. ఇంతకీ ఏమైందో తెలుసుకుందామా...
పూరీ జగన్నాధ్ డైరెక్షన్లో రామ్ నటించిన ఇష్మార్ట్ శంకర్ సినిమా ఎంత పెద్ద హిట్టయ్యిందో అందరికి తెలిసిందే. ఆ సినిమాలో ఉస్తాద్ శంకర్ గా నటించిన రామ్ కు ఆ పేరు ప్రేక్షకుల్లో మంచి గుర్తింపును తీసుకొచ్చింది. ఉస్తాద్ అనేది రామ్ కు ట్యాగ్ లైన్ గా మారిపోయింది. ఈ క్రేజుతో ఉస్తాద్ పేరుతో రామ్ ఒక సినిమా చేద్దామని అనుకున్నారట. బోయపాటితో తను చెయ్యబోయే అప్ కమింగ్ ప్రాజెక్ట్ కు ఉస్తాద్ టైటిల్ ను ఫిక్స్ చేద్దామనే ఆలోచనలో ఉన్న రామ్ కు జక్కన్న ఫ్యామిలీ షాక్ ఇచ్చింది.
అభిమానుల్లో ఉస్తాద్ గా పేరు తెచ్చుకున్న రామ్, ఆ పేరును ఎవరు తీసుకుంటారులే అని రిజిస్టర్ కూడా చేయించలేదు. ఈ నేపథ్యంలో ఉస్తాద్ పేరుతో కీరవాణి తనయుడు శ్రీసింహ ఒక సినిమాను రీసెంట్గానే ఎనౌన్స్ చేసాడు. దీంతో రామ్ ఉస్తాద్ పై పెట్టుకున్న పాన్ ఇండియా ఆశలన్నీ నీరుగారిపోయాయి.
|
|