"7డేస్ 6నైట్స్" విడుదల అప్పుడేనా?
cinema | Suryaa Desk | Published : Mon, May 30, 2022, 12:22 PM
ప్రముఖ టాలీవుడ్ ప్రొడ్యూసర్ కం డైరెక్టర్ ఎమ్మెస్ రాజు ఇటీవలే, డర్టీ హరి అనే సినిమాతో మంచి విజయం సాధించారు. నిర్మాతగా పలు హిట్ సినిమాలను తెలుగు ప్రేక్షకులకందించి ఎమ్మెస్ రాజు ఆ తర్వాత డైరెక్టర్ గా మారి, ఈ మధ్య అడల్ట్ సినిమాల తరహాలో ఉండే సినిమాలను తీస్తున్నారు. మనసంతా నువ్వే, నువ్వొస్తానంటే నేనొద్దంటానా, వర్షం, ఒక్కడు లాంటి మోడరన్ క్లాసిక్ సినిమాలకు ఎమ్మెస్ రాజు నిర్మాతగా వ్యవహరించారు.
తాజాగా ఎమ్మెస్ రాజు తనయుడు సుమంత్ తో కలిసి చేసిన సినిమా 7డేస్ 6నైట్స్. ఈ సినిమాకు సుమంత్ మరియు రజినీకాంత్ నిర్మాతలుగా వ్యవహరిస్తే, ఎమ్మెస్ రాజు రచయిత - డైరెక్టర్ గా వ్యవహరించారు. ఈ సినిమాను జూన్ 24 వ తేదీన థియేటర్లకు తీసుకురావాలనుకుంటున్న రాజు త్వరలోనే ఈ విషయంపై అధికారిక ప్రకటన చేయనున్నారు. ఇందులో సుమంత్ హీరోగా, మెహెర్ చాహల్ హీరోయిన్ గా నటిస్తున్నారు. ఎప్పుడో విడుదల కావలసిన ఈ చిత్రం కొన్ని కారణాల వల్ల ఆలస్యమవుతూ వచ్చింది.
ఈ సినిమా తర్వాత రాజు గారు "సతి" అనే సినిమాను చేస్తున్నట్టు తెలుస్తుంది. సతి సినిమాకు సంబంధించి ఇటీవల విడుదల చేసిన ఫస్ట్ లుక్ పోస్టర్ అందరి దృష్టిని ఆకర్షించింది.
|
|