'భోళా శంకర్' లో పవర్ స్టార్ అభిమానిగా మెగా స్టార్?
cinema | Suryaa Desk | Published : Tue, May 31, 2022, 12:27 PM
మెహర్ రమేష్ దర్శకత్వంలో టాలీవుడ్ మెగాస్టార్ చిరంజీవి "భోళా శంకర్" సినిమాలో నటిస్తున్న సంగతి అందరికి తెలిసిన విషయమే. ఈ హైబడ్జెట్ మూవీలో చిరంజీవి శంకర్ అనే క్యారెక్టర్ని పోషిస్తున్నారు అని లేటెస్ట్ టాక్. ఈ యాక్షన్ ఎంటర్టైనర్లో చిరు సరసన మిల్కీ బ్యూటీ తమన్నా భాటియా కథానాయికగా నటిస్తోంది. రావు రమేష్, మురళీ శర్మ, తులసి, వెన్నెల కిషోర్, కీర్తి సురేష్ తదితరులు ఈ చిత్రంలో కీలక పాత్రలు పోషిస్తున్నారు. ఈ చిత్రం తమిళంలో సూపర్ హిట్ మూవీ 'వేదాళం' యొక్క అధికారిక తెలుగు రీమేక్. లేటెస్ట్ రిపోర్ట్స్ ప్రకారం, ఈ సినిమాలో చిరంజీవి పవన్ కళ్యాణ్ ఫ్యాన్గా కనిపించనున్నాడని వార్తలు వినిపిస్తున్నాయి. పవన్ కళ్యాణ్, భూమిక నటించిన 'ఖుషి' సినిమా బ్లాక్ బస్టర్ గా నిలిచిన సంగతి తెలిసిందే. ఈ సినిమాలో ఖుషీ సీన్పై మేకర్స్ స్పూఫ్ చేస్తున్నట్లు సమాచారం. ఎకె ఎంటర్టైన్మెంట్స్ ఈ సినిమాని నిర్మిస్తున్నారు. మహతి స్వర సాగర్ సంగీతం అందిస్తున్న ఈ సినిమా విడుదల తేదీని మేకర్స్ రానున్న రోజుల్లో ప్రకటించనున్నారు.
|
|