ఆకాశాన్నంటుతున్న లేడీ బిగ్ బాస్ రెమ్యునరేషన్
cinema | Suryaa Desk | Published : Tue, May 31, 2022, 01:07 PM
తెలుగు బిగ్ బాస్ సీజన్ 5 గ్రాండ్ గా పూర్తయిన కొన్ని రోజులకే బిగ్ బాస్ ఓటిటి సీజన్ స్టార్ట్ అయ్యి ప్రేక్షకులను కంటిమీద కునుకు లేకుండా చేస్తుంది. ఎందుకంటే ఓటిటి లో 24 గంటలు ఎడతెరిపి లేకుండా బిగ్ బాస్ ప్రసారం జరుగుతుంది. ఈ సీజన్లో ఒక కంటెస్టెంట్ గా టాలీవుడ్ హీరోయిన్ బిందు మాధవి కూడా ఉన్నారు. రీసెంట్గా జరిగిన ఫినాలే లో బిందు మాధవి విజేతగా నిలిచింది. బిగ్ బాస్ తెలుగు హిస్టరీ లో తొలి ఫిమేల్ విన్నర్ గా రికార్డు సృష్టించిన బిందుమాధవి, వరస ఆఫర్లను చేజిక్కించుకుంటుంది.
నిజానికి తెలుగు బిగ్ బాస్ షో విన్నర్ లకు ఆ తర్వాత ఇండస్ట్రీలో ఎలాంటి గుర్తింపు లభించలేదు. కానీ బిందుమాధవికి మాత్రం ఆఫర్ల వెల్లువ విరుస్తుంది. బిగ్ బాస్ హౌజ్ లో ఉండగానే ఒక సినిమా అవకాశాన్ని చేజిక్కించుకుంది. "నాగ" అనే ఆధునిక మైథలాజికల్ మూవీలో లీడ్ రోల్ పాత్రను బిందు మాధవి చేయబోతున్నట్లు మేకర్స్ ప్రకటించారు.
అనిల్ రావిపూడి - బాలయ్య కాంబోలో తెరకెక్కబోతున్న మూవీలో కూడా బిందు మాధవి ఛాన్స్ కొట్టేసింది. ఇంకా కొన్ని ప్రాజెక్టులు చర్చల దశలో ఉన్నాయట. అయితే, తనకొస్తున్న ఆఫర్లకు బిందు చాలా ఎక్కువగా డిమాండ్ చేస్తుందని వినికిడి. దాదాపు యాభై లక్షల రెమ్యునరేషన్ ఇస్తేనే నటిస్తానని, తనను సంప్రదించిన మేకర్స్ కు ఖరాఖండిగా చెప్తుందట. గతంలో డైలీ బేసిస్ మీద రెమ్యునరేషన్ తీసుకునే బిందు 70000 - 150000 వరకు సంపాదించేది. ఇప్పుడు బిగ్ బాస్ విన్నర్ ట్యాగ్ తగిలించుకున్న బిందు మాధవి హ్యూజ్ ఎమౌంట్ ను డిమాండ్ చెయ్యటం ఆమె కెరీర్ కు ఎంతవరకు ఉపయోగపడుతుందో చూడాలి.
|
|