బాలయ్య వారసుడి ఎంట్రీకి ముహూర్తం ఖరారు...డైరెక్టర్ ఎవరంటే?

చిత్రపరిశ్రమలో ఎప్పటినుండో వారసత్వం అధికారం చెలాయిస్తున్న సంగతి తెలిసిందే. నందమూరి వారసులుగా బాలకృష్ణ, జూనియర్ ఎన్టీయార్, కళ్యాణ్ రామ్, తారక రామ్ వంటి వారు వెండితెర అరంగేట్రం చెయ్యగా బాలయ్య, తారక్ లు టాలీవుడ్ సిల్వర్ స్క్రీన్ పై తమదైన ముద్రని వేశారు. ఇప్పటికీ తమ సినిమాలతో బాక్సాఫీస్ వద్ద భీభత్సం సృష్టిస్తున్నారు. అయితే బాలయ్య తనయుడు మోక్షజ్ఞ సినిమాల్లోకి రావాలని నందమూరి అభిమానులు ఎప్పటినుండో ఆశపడుతున్నారు. డాషింగ్ డైరెక్టర్ పూరి జగన్నాధ్ తో మోక్షజ్ఞ సినిమా చేస్తున్నాడని అన్నారు  కానీ అది రూమర్ గానే నిలిచింది. 

ఇటీవల తన మూవీ డిబట్ పై మోక్షజ్ఞ స్వయంగా ప్రకటించటంతో అభిమానులకు ఒక క్లారిటీ వచ్చింది. ప్రస్తుతం జిమ్ లో తీవ్రమైన కసరత్తులు చేస్తూ తన ఫిజిక్ ను మార్చుకునే పనిలో చాలా బిజీగా ఉన్నాడట. ఫస్ట్ మూవీ ఎనౌన్స్మెంట్ సమయానికల్లా  ఎక్స్ట్రా కరిక్యులర్ యాక్టీవిటీస్ లో అనుభవం సంపాదించి సినీరంగ ఎంట్రీకి పూర్తిగా సన్నద్ధమయ్యేలా మోక్షజ్ఞ ట్రైన్ అవుతున్నాడట. ఇదిలావుంటే, మరోపక్క మోక్షజ్ఞ డిబట్ మూవీని డైరెక్ట్ చేసే డైరెక్టర్ కోసం బాలయ్య గాలింపు చర్యలు చేస్తున్నారట. ఈ క్రమంలో బాలయ్యకు అనిల్ రావిపూడి తో మోక్షజ్ఞ ఎంట్రీ ఇప్పించాలని అద్భుతమైన ఆలోచన వచ్చిందట. 

అనిల్ రావిపూడి తన హీరోల చేత కామెడీ, యాక్షన్, రొమాన్స్..ఇలా అన్ని ఎమోషన్స్ ను పలికించగలడు. మోక్షజ్ఞ లోని యాక్టింగ్ స్కిల్స్ ను తొలి సినిమాతోనే టాలీవుడ్ ఆడియన్స్ కు చూపించగల సత్తా అనిల్ కే ఉందని భావించిన బాలయ్య అనిల్ ను ఒప్పించే పనిలో ఉన్నాడట. ఎంత గొప్ప చరిత్ర కలిగిన కుటుంబం నుండి వచ్చినా ఓన్ ట్యాలెంట్ ఒక్కటే సినీ ఇండస్ట్రీలో నిలదొక్కుకోవడానికి, ప్రేక్షకుల మనసులో చిరస్థానం సంపాదించుకునే అదృష్టాన్ని కలిగిస్తుంది. ఇదే లాజిక్ తో వస్తున్న మోక్షజ్ఞ సినీ కెరీర్ ఎలా ఉంటుందో చూడాలి.