ఆ నక్సలైట్ జీవితచరిత్రగా విరాటపర్వం?

వేణు ఉడుగుల డైరెక్షన్లో రానా దగ్గుబాటి, సాయి పల్లవి జంటగా నటించిన చిత్రం విరాటపర్వం. ఈ సినిమా కోసం ఎప్పటినుండో ఎదురుచూస్తున్న ప్రేక్షకుల ఎదురుచూపుకు తెరదించుతూ మేకర్స్ జూన్ 17న విడుదలవబోతుందని ఎనౌన్స్ చేసారు. 1990ల కాలంలో తెలంగాణలోని నక్సల్స్ ఉద్యమం నేపథ్యంలో తెరకెక్కింది. ఈ సినిమాపై ఒక ఇంటరెస్టింగ్ న్యూస్ చిత్రసీమలో చక్కర్లు కొడుతుంది. అదేంటంటే, ఈ సినిమా తెలంగాణా పోలీసుల కాల్పుల్లో చనిపోయిన ఒక నక్సలైట్ జీవితకథకు అనధికారికంగా తెరకెక్కిన బయోపిక్ అని అంటున్నారు. గతంలో ఈ సినిమాపై వచ్చిన వార్తలు రీసెంట్ గా వచ్చిన వార్తను మరింత బలపరుస్తున్నాయి. రానా ఈ సినిమాలో నెగిటివ్ రోల్ లో నటిస్తున్నాడని, ప్రియమణి చేతిలో సాయి పల్లవిని చంపించేలా చేసేది రానా నే అని గతంలో వార్తలు వచ్చాయి. 

సాయి పల్లవి ఈ సినిమాలో పోషించిన వెన్నెల పాత్ర, మావోయిస్టు బెల్లీ లలిత జీవితాన్ని పోలి ఉంటుందని తెలుస్తుంది. బెల్లి లలిత ఫోక్ సింగర్ గా జీవితం స్టార్ట్ చేసి, ఆ తర్వాత ఉద్యమంలో చేరి మావోయిస్టుగా మారింది. ఈ క్రమంలో నయీమ్ అనే నక్సలైట్ కం గ్యాంగ్స్టర్ తో లలిత ప్రేమలో పడిందని, ఆ తర్వాత లలితను నయీమ్ చంపేయిస్తాడని, ఆమె శవాన్ని ముక్కలు చేసి చౌటుప్పల్ పోలీస్ స్టేషన్ ఎదురుగా పడేయించాడని, 1999లో పుకార్లు షికార్లు చేసాయి. 

రానా నెగిటివ్ క్యారెక్టర్ లో నటించటం, సాయి పల్లవి రానా ప్రేమలో పడటం, ప్రియమణి చేతిలో చంపబడటం... ఇవన్నీ కూడా మాజీ నక్సలైట్ కం గ్యాంగ్స్టర్ నయీమ్ జీవితం నుండే కపి కొట్టారని, విరాటపర్వం నయీమ్ అనఫీషియల్ బయోపిక్ అని తెలియకనే తెలుస్తుంది. సినిమా మొదలుపెట్టినప్పటినుండి ఇప్పటివరకు దర్శకనిర్మాతలు ఈ విషయాన్ని చెప్పలేదు. చిన్న హింట్ కూడా ఇవ్వకపోవటం విశేషం.