మహేష్ -త్రివిక్రమ్ సినిమాలో 'గ్యాంగ్ లీడర్' బ్యూటీ?
cinema | Suryaa Desk | Published : Sat, Jun 04, 2022, 03:54 PM
అతడు, ఖలేజా సినిమాల తర్వాత సూపర్ స్టార్ మహేష్ బాబు, మాటల మాంత్రికుడు త్రివిక్రమ్ కాంబోలో ఒక సినిమా రూపొందుతుందన్న విషయం తెలిసిందే. దాదాపు 11సంవత్సరాల తర్వాత వీరి కలయికలో వస్తున్న ప్రాజెక్టు కావడంతో అభిమానులు ఈ సినిమా కోసం ఆసక్తిగా ఎదురుచూస్తున్నారు. ఈ సినిమాకు సంబంధించిన పూజా కార్యక్రమం గతంలోనే జరిగింది. కానీ ఇప్పటివరకు రెగ్యులర్ షూటింగ్ స్టార్ట్ అవ్వలేదు. మొన్నటివరకు మహేష్ సర్కారువారిపాట పోస్ట్ రిలీజ్ ప్రమోషన్స్ తో బిజీగా ఉండటంతో త్రివిక్రమ్ ప్రాజెక్ట్ కాస్త ఆలస్యమైంది. మే 31న కృష్ణ పుట్టినరోజును పురస్కరించుకుని త్రివిక్రమ్ మూవీపై అప్డేట్ వస్తుందని అంతా అనుకున్నారు. తీరా ఆ రోజు చూస్తే కృష్ణ అల్లుడు సుధీర్ బాబు తన కొత్త మూవీ నుండి అప్డేట్ ఇచ్చాడు కానీ, మహేష్ మాత్రం ఎలాంటి న్యూస్ ను అభిమానులకు షేర్ చెయ్యలేదు.
మహర్షి సినిమాలో మహేష్ తో జతకట్టిన పూజాహెగ్డే రెండోసారి ఇందులో హీరోయిన్ గా నటిస్తుంది. ఇప్పుడు ఇంకో బ్యూటీకి కూడా ఇందులో అవకాశం వచ్చినట్టు తెలుస్తుంది. త్రివిక్రమ్ సెంటిమెంటు ప్రకారం ఆయన తీసే సినిమాల్లో ఖచ్చితంగా ఇద్దరు హీరోయిన్స్ ఉండాల్సిందే. అందుకే ఈ సినిమాలో పూజా తో పాటు ప్రియాంక అరుల్ మోహన్ ను తీసుకున్నారని వినికిడి. ఇప్పటికే దీనికి సంబంధించి చర్చలు ముగిశాయని తెలుస్తుంది. గ్యాంగ్ లీడర్, శ్రీకారం వంటి సినిమాల్లో నాని, శర్వానంద్ ల పక్కన హీరోయిన్ గా నటించిన ప్రియాంకకు తెలుగులో బిగ్ హిట్ ఇంకా పడలేదు. సూపర్ స్టార్ సినిమాతోనైనా ప్రియాంక టాలీవుడ్లో హిట్ కొడుతుందేమో చూద్దాం.
|
|