SSMB 28 మరో నువ్వు నాకు నచ్చావ్! సినిమానా ?
cinema | Suryaa Desk | Published : Mon, Jun 06, 2022, 01:16 PM
సర్కారువారిపాట లాంటి బ్లాక్ బస్టర్ హిట్ తర్వాత సూపర్ స్టార్ మహేష్ బాబు త్రివిక్రమ్ డైరెక్షన్లో ఒక సినిమా (SSMB 28) చెయ్యబోతున్నారన్న విషయం తెలిసిందే కదా. అధికారికంగా ప్రకటన జరిగినప్పటి నుండి ఈ సినిమాపై పలువార్తలు చిత్రసీమలో జోరుగా ప్రచారం చెయ్యబడుతున్నాయి. అతడు, ఖలేజా సినిమాల తర్వాత దాదాపు పదకొండేళ్ల కు మళ్ళీ మహేష్ - త్రివిక్రమ్ కాంబో పట్టాలెక్కడంతో ఈ సినిమాపై భారీ అంచనాలు ఏర్పడ్డాయి. అతడు సినిమాలో మహేష్ ను ఇంటెన్స్ రోల్ లో చూపించిన త్రివిక్రమ్ ఖలేజా ఫుల్ కామిక్ రోల్ లో చూపించి ప్రేక్షకులను కడుపుబ్బా నవ్వించారు. ఇప్పుడు SSMB28లో త్రివిక్రమ్ మహేష్ ను ఏ క్యారెక్టర్ లో చూపిస్తారని ఫ్యాన్స్ కుతూహలంగా ఉన్నారు. ఈ నేపథ్యంలో SSMB28 కి సంబంధించిన ఇంటరెస్టింగ్ న్యూస్ ఒకటి బయటకు వచ్చింది. అదేంటంటే, 2001లో వెంకటేష్ నుండి వచ్చిన ఫ్యామిలీ అండ్ కామెడీ ఎంటర్టైనర్ నువ్వు నాకు నచ్చావ్ తరహాలో SSMB28 సినిమా ఉంటుందని తెలుస్తుంది. ఆ సినిమాకు కే. విజయ్ భాస్కర్ డైరెక్ట్ చేయగా, త్రివిక్రమ్ రైటర్ గా పనిచేసారు. స్టోరీ నువ్వు నాకు నచ్చావ్ సినిమాలానే ఉన్నా టేకింగ్ మాత్రం త్రివిక్రమ్ స్టైల్ లో డిఫరెంట్ గా ఉంటుందని అంటున్నారు. హారిక అండ్ హాసిని క్రియేషన్స్ బ్యానర్ పై రాధాకృష్ణ ప్రొడ్యూస్ చేస్తున్న ఈ సినిమాలో పూజా హెగ్డే హీరోయిన్ కాగా, తమన్ మ్యూజిక్ డైరెక్టర్.
|
|