"విక్రమ్" సెంటిమెంటుతో వస్తున్న తలపతి విజయ్ సినిమా

నగరం, ఖైదీ, మాస్టర్ వంటి సినిమాలతో కోలీవుడ్ సెన్సేషనల్ డైరెక్టర్ గా పేరు తెచ్చుకున్నారు లోకేష్ కనగరాజ్. రీసెంట్గా లోకేష్ డైరెక్షన్లో విశ్వనటుడు కమల్ హాసన్ హీరోగా నటించిన విక్రమ్ మూవీ రిలీజై బాక్సాఫీస్ వద్ద భారీ వసూళ్లను రాబడుతోంది. తెలుగు, తమిళ, హిందీ భాషలలో విడుదలైన ఈ చిత్రానికి ఆయా భాష ప్రేక్షకులు బ్రహ్మరధం పడుతున్నారు. ఈ సినిమాతో డైరెక్టర్ గా లోకేష్ ఒక మెట్టు పైకెక్కాడు. క్రేజును కూడా పెంచుకున్నాడు. దీంతో లోకేష్ తదుపరి సినిమాపై అంతటా ఆసక్తి నెలకొంది. 

విక్రమ్ తదుపరి లోకేష్ తలపతి విజయ్ తో సినిమా చేస్తానని గతంలోనే ప్రకటించారు. ప్రస్తుతం విజయ్ వంశీ పైడిపల్లి సినిమాతో బిజీగా ఉన్నారు. ఆ సినిమా షూటింగ్ అయిపోయిన వెంటనే విజయ్ లోకేష్ తో సినిమాను స్టార్ట్ చేస్తారు. తాజాగా ఈ మూవీ గురించి ఆసక్తికరమైన విషయమొకటి వినిపిస్తుంది. అదేంటంటే, ఈ సినిమాలో ముఖ్యమైన పాత్ర కోసం లోకేష్, ఒక మలయాళ స్టార్ హీరోను అప్రోచ్ అయ్యారట. ఆయనకు కథ వినిపించిన లోకేష్ అంగీకారం కోసం కుతూహలంగా ఎదురుచూస్తున్నాడట. విక్రమ్ సినిమాలో కమల్ తో పాటు విజయ్ సేతుపతి, ఫాహద్ ఫాజిల్, ప్రత్యేక పాత్రలో హీరో సూర్య వంటి భారీ స్టార్ క్యాస్ట్ ను రంగంలోకి దింపి లోకేష్ భారీ హిట్ అందుకున్నాడు. ఇప్పుడు ఇదే స్ట్రాటజీతో విజయ్ సినిమాలో కూడా అగ్రనటులను నటింపచేయాలని చూస్తున్నాడట. భారీ స్టార్ క్యాస్ట్ ఉంటే, అందరి చూపు ఆ సినిమాపైనే ఉంటుంది. సో... మంచి బజ్ ఉంటుంది. ప్రేక్షకుల్లో రీచ్ ఎక్కువగా ఉంటుంది. ఫైనల్ గా ఎక్కువ కలెక్షన్లు సంపాదించొచ్చు. ఈ సూత్రాన్ని బాగా వంటపట్టించుకున్న లోకేష్ విజయ్ సినిమాలో అదే స్ట్రాటజీ ని వాడి బ్లాక్ బస్టర్ హిట్ కొట్టాలనే ప్లాన్ చేసినట్టు తెలుస్తుంది.