రాజమౌళిని భయపెట్టిన ఆ రెండు సినిమాలు ...ఏంటో తెలుసా?
cinema | Suryaa Desk | Published : Mon, Jun 20, 2022, 03:59 PM
SS రాజమౌళి... టాలీవుడ్ బిగ్ బడ్జెట్ సినిమాలకు, స్టార్ క్యాస్ట్ కు, పాన్ ఇండియా సినిమాలకు కేరాఫ్ అడ్రెస్ గా నిలిచిన డైరెక్టర్. అద్భుతమైన విజువల్ వండర్ సినిమాలను తెరకెక్కించటంలో మహా దిట్ట. ఇప్పటివరకు ఆయన చిత్రాలలో కొంచెం కూడా టచ్ చెయ్యని జానర్ ఏదైనా ఉంది అంటే... అది హార్రర్ మాత్రమే. హార్రర్ జానరన్నా, సినిమాలన్నా జక్కన్న కు అంతగా ఇష్టముండదని పలు సందర్భాల్లో చెప్పారు కూడా.
తెలుగు ప్రధమ ఓటిటి "ఆహా" సంస్థ తెలుగు , తమిళ భాషలలో రూపొందించిన "అన్యాస్ ట్యూటోరియల్" వెబ్ సిరీస్ ట్రైలర్ లాంఛ్ ఈవెంట్లో పాల్గొన్న రాజమౌళి మరొక్కసారి తనకు హార్రర్ చిత్రాల పట్ల ఉన్న అయిష్టతను తెలిపారు. అలానే, ఇప్పటివరకు తనకు నచ్చిన, తనను భయపెట్టిన హార్రర్ సినిమాలు రెండే రెండు ఉన్నాయని చెప్పారు. అవేంటంటే... ది ఒమెన్, ది పారానార్మల్ యాక్టీవిటీ సినిమాలు. ఈ రెండు సినిమాలకు ప్రపంచవ్యాప్తంగా అభిమానులు ఉన్నారు.రాజమౌళి ఈ విషయం చెప్పడంతో ఆయన అభిమానులు, హార్రర్ ప్రేమికులు ఈ రెండు సినిమాలను చూడాలనుకుంటున్నారట.
"అన్యాస్ ట్యూటోరియల్" అనే హార్రర్ వెబ్ సిరీస్ లో రెజీనా, నివేదితా సతీష్ ప్రధాన పాత్రలు పోషిస్తున్నారు. జూలై 1 నుండి ఈ హార్రర్ వెబ్ సిరిస్ ఆహా లో స్ట్రీమింగ్ కు రెడీ అవుతుంది. ఈ వెబ్ సిరీస్ కు పల్లవి గంగిరెడ్డి దర్శకత్వం వహించారు.
|
|