బాలయ్య సినిమాపై గోపీచంద్ లేటెస్ట్ పోస్ట్...
cinema | Suryaa Desk | Published : Tue, Jun 21, 2022, 04:19 PM
గోపీచంద్ మలినేని డైరెక్షన్లో నటసింహ బాలకృష్ణ ఒక సినిమాలో నటిస్తున్న విషయం తెలిసిందే. కెరీర్ పరంగా బాలయ్యకిది 107వ సినిమా కావడంతో NBK 107 వర్కింగ్ టైటిల్ తో పిలుస్తున్నారు. ఇందులో శృతిహాసన్ కథానాయిక కాగా తమన్ సంగీతం అందిస్తున్నారు. మైత్రీ మూవీ మేకర్స్ సంస్థ నిర్మిస్తున్న ఈ సినిమాలో వరలక్ష్మి శరత్ కుమార్, కన్నడ నటుడు దునియా విజయ్ ఇందులో కీలకపాత్రలు పోషిస్తున్నారు.
తాజాగా ఈ మూవీపై గోపీచంద్ లేటెస్ట్ అప్డేట్ ఇచ్చారు. కంపోజర్ తమన్ తో, లిరిసిస్ట్ రామజోగయ్య శాస్త్రి తో కలిసి దిగిన ఫోటోను గోపీచంద్ ట్విట్టర్ లో పోస్ట్ చేసి, తమన్ సంగీతాన్ని ఒక రేంజులో పొగిడేశారు. నటసింహ బాలయ్య కోసం తమన్ సూపర్ ఎనర్జిటిక్ మ్యూజిక్ ను కంపోజ్ చేసారని, రామజోగయ్య శాస్త్రి అద్భుతమైన లిరిక్స్ ను అందించారని ట్వీట్ చేసారు. బాలయ్య బర్త్ డే సందర్భంగా, ఈ మూవీ నుండి ఇటీవల విడుదలైన టీజర్ కు ప్రేక్షకుల నుండి అద్భుతమైన స్పందన వచ్చింది. తమన్ అందించిన బ్యాక్ గ్రౌండ్ స్కోర్ టీజర్ ను మరో మెట్టు ఎక్కించింది. లేటెస్ట్ పోస్ట్ ను బట్టి ఫస్ట్ లిరికల్ సాంగ్ కు ముహూర్తం పెట్టినట్టు తెలుస్తుంది. చుడాలి మరి... ఈ మూవీ నుండి మ్యూజికల్ అప్డేట్ ఎప్పుడు వస్తుందో...!
|
|