పవన్ ను తప్పించేసి విజయ్ ను లైన్లో పెట్టిన బుట్టబొమ్మ!
cinema | Suryaa Desk | Published : Sat, Jun 25, 2022, 04:24 PM
ఆల్రెడీ కమిటైన ప్రాజెక్టులు, పొలిటికల్ కమిట్మెంట్స్ వల్ల పవర్ స్టార్ పవన్ కళ్యాణ్ నటించాల్సిన భవదీయుడు భగత్ సింగ్ సినిమా ఆలస్యం అవుతుందన్న విషయం అందరికి తెలిసిందే. డాషింగ్ డైరెక్టర్ హరీష్ శంకర్ ఈ సినిమాకు దర్శకత్వం వహిస్తున్నారు. గతంలో అధికారికంగా ప్రకటించబడిన ఈ చిత్రం అప్పటి నుండి సైలెంట్ గా ఉంది. పవన్ రాక కోసం హరీష్ పడిగాపులు కాస్తున్నాడు. ఈ విషయం పక్కన పెడితే, ఈ సినిమాలో హీరోయిన్ గా పూజాహెగ్డే నటిస్తుందని మేకర్స్ గతంలోనే ప్రకటించారు కానీ ఆమెకు ఎలాంటి అడ్వాన్స్ ఇవ్వలేదంట. ఈ సినిమాపై నెలకొన్న సందిగ్ధతతో ఆగస్టునెల డేట్స్ ను ఈ సినిమా కోసం కేటాయించిన పూజా ఇప్పుడా డేట్స్ ను మరో సినిమా కోసం ఉపయోగించబోతున్నట్టు తెలుస్తుంది. త్రివిక్రమ్ - మహేష్ కాంబోలో వచ్చే నెల నుండి సెట్స్ పైకి వెళ్ళబోతున్న సినిమా కోసం కానీ, పూరి జగన్నాధ్ - విజయ్ దేవరకొండ కాంబోలో రాబోతున్న రెండో సినిమా "JGM" కోసం కానీ ఈ డేట్స్ ను వాడాలని పూజా ఆలోచిస్తుందట. పవన్ తో బుట్టబొమ్మ జతకడితే చూడాలనుకునే ప్రేక్షకులు ఇంకొన్నాళ్ళు ఆగాల్సిందే.
|
|