యూఏఈ లో అరుదైన రికార్డును నెలకొల్పిన కమల్ హాసన్
cinema | Suryaa Desk | Published : Wed, Jun 29, 2022, 12:57 PM
చాన్నాళ్లుగా సక్సెస్ కోసం ఎదురుచూస్తున్న కమల్ హాసన్ కు "విక్రమ్" సినిమా బ్లాక్ బస్టర్ హిట్ నిచ్చింది. లోకేష్ కనగరాజ్ డైరెక్షన్లో పక్కా యాక్షన్ థ్రిల్లర్ గా తెరకెక్కిన ఈ సినిమాలో కమల్ తో పాటు విజయ్ సేతుపతి, ఫాహద్ ఫాజిల్, ప్రత్యేక అతిథి పాత్రలో హీరో సూర్య నటించారు. నాలుగు వారాల క్రితం విడుదలైన ఈ సినిమాకు ధియేటర్ల వద్ద ఇంకా రష్ తగ్గలేదు. తమిళం, తెలుగు, హిందీ బాక్సాఫీస్ ల వద్ద భారీ వసూళ్లను రాబడుతుంది. అన్ని భాషల్లో కలిపి విక్రమ్ సినిమాకు ఇప్పటివరకు రూ. 400 కోట్లకు పైగా కలెక్షన్లు వచ్చాయని తెలుస్తుంది. ఈ సినిమాను రాజ్ కమల్ ఫిలిం ఇంటర్నేషనల్ బ్యానర్ పై కమల్ హాసన్ సొంతంగా నిర్మించారు.
తాజాగా విక్రమ్ సినిమా యూఏఈ లో అరుదైన రికార్డును నెలకొల్పింది. నాలుగు వారాల గ్రాస్ కలెక్షన్లు 3,071,409డాలర్లతో యూఏఈ లో హైయెస్ట్ గ్రాసర్ గా నిలిచిన తొలి తమిళ సినిమాగా రికార్డు సృష్టించింది.
|
|