షాకింగ్ న్యూస్... జబర్దస్త్ కు అనసూయ గుడ్ బై ...!!
cinema | Suryaa Desk | Published : Wed, Jun 29, 2022, 05:04 PM
బుల్లితెరపై గ్లామరస్ యాంకర్ గా గుర్తింపు తెచ్చుకుంది అనసూయ భరద్వాజ్. ఈటివి ఛానెల్ లో ప్రసారమయ్యే జబర్దస్త్ షో తో అనసూయ లైం లైట్ లోకొచ్చింది. ఈ షో అనసూయకు సినిమా ఆఫర్లతో పాటు స్టార్డం ను తీసుకొచ్చింది.
తాజాగా అనసూయ జబర్దస్త్ కు వీడుకోలు పలికినట్టు తెలుస్తుంది. ఈ మేరకు నిన్న తన ఇంస్టాగ్రామ్ స్టోరీలో అనసూయ ఒక ఎమోషనల్ నోట్ ను షేర్ చేసుకుంది. కెరీర్ లో ఒక కీలక నిర్ణయాన్ని తీసుకున్నానని, అది ఇటీవలే అమలు కూడా చేసానని చెప్పింది. తనతో పాటు ఎన్నో మధుర జ్ఞాపకాలను, కొన్ని చేదు అనుభవాలని తీసుకెళ్తున్నానని చెప్పింది. నా కోసం ఇంకెన్ని బహుమతులు దాచి పెట్టి ఉన్నాయో వాటి కోసం ఎదురు చూస్తున్నానని చెప్పింది. ఇప్పటివరకు నాతో ఎలా ఉన్నారో ఇకపై కూడా అలానే స్నేహపూర్వకంగా ఉండమని తోటి నటీనటులను, అభిమానులను కోరింది. ఈ పోస్ట్ లో ఎక్కడా కూడా జబర్దస్త్ పేరును ఉపయోగించకపోవడం విశేషం.
కానీ, అనసూయ ఈ పోస్ట్ పెట్టింది జబర్దస్త్ షో కోసమేనని తెలియకనే తెలుస్తుంది. స్టార్ మా, జీ తెలుగు వంటి లీడింగ్ ఛానెల్స్ లో సాలిడ్ పేమెంట్ ఆఫర్లు తన తలుపు తడుతుండడంతో అనసూయ ఈ నిర్ణయం తీసుకుందని తెలుస్తుంది. అంతేకాక, ఈ మధ్య కాలంలో అనసూయ కు సినిమా ఆఫర్లు కూడా ఎక్కువవుతున్నాయి. జబర్దస్త్ షోకు గుడ్ బై చెప్పటానికి ఇది కూడా ఒక కారణం కావొచ్చు. ఇకపై అనసూయ జబర్దస్త్ తో కనిపించదని తెలిసిన అభిమానులు ఉసూరుమంటున్నారు.
|
|