రాజమౌళి ఆఫర్ ను రిజెక్ట్ చేసి ... కెరీర్ లో పెద్ద తప్పు చేసిన తెలుగమ్మాయి... !!
cinema | Suryaa Desk | Published : Fri, Jul 01, 2022, 01:11 PM
తెలుగమ్మాయిలకు తెలుగు చిత్రపరిశ్రమంలో సరైన అవకాశాలు రావనే విషయానికి అర్చనను మంచి ఉదాహరణగా చెప్పుకోవచ్చు. ఆకట్టుకునే రూపం, మంచి నటనా నైపుణ్యాలున్నా కానీ అర్చన చేసిన కొన్ని పొరపాట్ల వల్ల స్టార్ హీరోయిన్ హోదాకు ఆమడ దూరంలోనే ఉండిపోయింది.
2019లో జగదీష్ ను వివాహం చేసుకున్న తర్వాత నుండి సినిమాలకు దూరంగా ఉంటున్న అర్చన తాజాగా టెన్త్ క్లాస్ డైరీస్ అనే సినిమాలో కీలకపాత్రను పోషించింది. ఈటీవి ఛానెల్ లో ప్రసారమవుతున్న "ఆలీతో సరదాగా" టాక్ షో కి విచ్చేసిన అర్చన తన కెరీర్ కు సంబంధించిన ఎన్నో విషయాలను షేర్ చేసుకుంది.
ఈ క్రమంలో కెరీర్ లో తాను చేసిన అతిపెద్ద పొరపాటు గురించి చెప్పి కన్నీటి పర్యంతమయ్యింది. "యమదొంగ" సినిమాలో షేక్ షకాల... సాంగ్ లో లీడ్ డాన్సర్ గా నటించిన అర్చనకు రాజమౌళి తదుపరి "మగధీర" సినిమాలో ఒక మంచి రోల్ ను ఆఫర్ చేసాడట. చిన్నవయసు, అంతగా పరిణతి చెందని అర్చన ఆ ఆఫర్ ను రిజెక్ట్ చేసిందట. అది ఏ రోల్ అన్నది ఆమె బయటపెట్టలేదు. ఒక వేళ మగధీర సినిమాను అర్చన చేసి ఉంటే, ఆమె కెరీర్ మరోలా ఉండేదేమో..!
|
|