ప్రభాస్ కు జోడిగా పెళ్ళై, ఇద్దరు పిల్లలున్న హీరోయిన్...?

తమ అభిమాన నటుడి పక్కన అందమైన హీరోయిన్ నటించాలని ప్రతి అభిమాని కోరుకుంటాడు. అది సినిమా అని తెలిసినా కానీ, తెరపై కనిపించే ఆ జోడీని నిజంగా అభిమానించే ఎందరో అభిమానులు ఉన్నారు. ఉదాహరణకు, ప్రభాస్ - అనుష్క జోడినే తీసుకోండి. వెండితెరపై వారు కలిసి నటించింది బిల్లా, మిర్చి, బాహుబలి...ఈ మూడు సినిమాలే. కానీ, ఈ పెయిర్ కు అభిమానుల్లో ఉండే క్రేజ్ గురించి చెప్పాలంటే మాటలు చాలవు. అనుష్క సంగతి పక్కన పెడితే, ప్రభాస్ సరసన యంగ్ అండ్ టాలెంటెడ్ హీరోయిన్లు నటించాలని ఆయన అభిమానులు కోరుకుంటున్నారు. అందుకు తగ్గట్టే, ఆదిపురుష్ లో కృతిసనన్, సలార్ లో శ్రుతిహాసన్, ప్రాజెక్ట్ కే లో దీపికా పదుకొణె వంటి యంగ్ బ్యూటీలు నటిస్తున్నారు. ఈ సినిమాలతో ప్రభాస్ అభిమానులు చాలా ఆనందంగా ఉన్నారు.
ఎటొచ్చి "స్పిరిట్" విషయంలోనే ప్రభాస్ అభిమానులు తీవ్ర నిరాశకు గురిఅవుతున్నారు. సందీప్ రెడ్డి వంగా డైరెక్షన్లో ప్రభాస్ నటిస్తున్న 25 వ చిత్రమే స్పిరిట్. గతేడాది అధికారికంగా ప్రకటన జరిగిన ఈ సినిమా విషయమై లేటెస్ట్ అప్డేట్ ఒకటి హాట్ టాపిక్ గా మారింది. అదేంటంటే, ఇందులో ప్రభాస్ కు జోడిగా బాలీవుడ్ సీనియర్ హీరోయిన్ కరీనా కపూర్ ఖాన్ నటించబోతున్నట్టు టాక్. ఈ మేరకు స్పిరిట్ మేకర్స్ కరీనాను కలిసి చర్చలు జరుపుతున్నారట. కరీనా స్టార్ హీరోయినే కానీ...అదోకప్పుడు. ఇప్పుడామె సైఫ్ అలీఖాన్ ను పెళ్లి చేసుకుని, ఇద్దరు పిల్లలకు తల్లి కూడా అయింది. ప్రస్తుతానికైతే, కరీనా కెరీర్ లో ఫేడౌట్ స్టేజ్ లో ఉంది. ఇప్పుడిప్పుడే సెకండ్ ఇన్నింగ్స్ మొదలు పెట్టే ప్రయత్నాలు చేస్తుంది. మరి పాన్ ఇండియా రేంజ్ హీరో పక్కన కరీనా ను ఎంచుకోవడం పట్ల సందీప్ స్ట్రాటజీ ఏంటో ఆయనకే తెలియాలి.