"బింబిసార" నుండి మ్యూజికల్ అప్డేట్ ..!
cinema | Suryaa Desk | Published : Tue, Jul 12, 2022, 06:19 PM
నందమూరి హీరో కళ్యాణ్ రామ్ నటిస్తున్న కొత్త చిత్రం "బింబిసార". రచయిత- డైరెక్టర్ వశిష్ట్ తెరకెక్కించిన ఈ మూవీలోని ఫస్ట్ లిరికల్ సాంగ్ "ఈశ్వరుడే" ఫుల్ లిరికల్ వెర్షన్ ను జూలై 13 అంటే రేపు సాయంత్రం ఐదు గంటల తొమ్మిది నిమిషాలకు విడుదల చేయబోతున్నట్టు మేకర్స్ ప్రకటించారు. ఈ విషయాన్ని తెలుపుతూ మేకర్స్ ఈ సాంగ్ ప్రోమోను రిలీజ్ చేసారు. కాలభైరవ ఆలపించిన ఈ పాటకు చిరంతన్ భట్ మ్యూజిక్ అందించారు. శ్రీమణి లిరిక్స్ అందించారు. షూటింగ్ ఎప్పుడో పూర్తి చేసుకున్న ఈ చిత్రం ప్రస్తుతం పోస్ట్ ప్రొడక్షన్ పనులను జరుపుకుంటుంది. ప్రపంచవ్యాప్తంగా ఆగస్టు 5 వ తేదీన విడుదల కావడానికి రెడీ అవుతుంది.
ఇందులో క్యాథెరిన్ థెరెసా, సంయుక్త మీనన్, వారిన హుస్సేన్, వెన్నెల కోశోర్, బ్రహ్మాజీ, శ్రీనివాస రెడ్డి తదితరులు నటిస్తున్నారు. ఈ చిత్రానికి బ్యాక్ గ్రౌండ్ స్కోర్ ను ఎం.ఎం కీరవాణి అందిస్తున్నారు. హరికృష్ణ కే ఈ చిత్రాన్ని నిర్మిస్తున్నారు.
|
|