దసరా బరి నుండి తప్పుకుంటున్న బాలయ్య..?
cinema | Suryaa Desk | Published : Wed, Jul 13, 2022, 10:43 AM
నందమూరి బాలకృష్ణ తదుపరి చిత్రం దసరా కానుకగా విడుదలవుతుందని నిన్నటి వరకు జోరుగా ప్రచారం జరిగింది. కానీ, తాజాగా అందుతున్న సమాచారం ప్రకారం, కొన్ని అనివార్య కారణాల వల్ల మేకర్స్ ఈ సినిమాను దసరా బరి నుండి తప్పించి ఏడాది చివర్లో అంటే డిసెంబర్ లో విడుదల చేసేందుకు ప్లాన్ చేస్తున్నారట. ఈ మేరకు త్వరలోనే అధికారిక ప్రకటన వెలువడనుందని టాక్.
ఐతే, ఈ సినిమా ఎందుకు వాయిదా పడిందనే ప్రశ్నకు సమాధానంగా షూటింగ్ ఆలస్యం కావడమనే సమాధానం వినిపిస్తుంది. నిజానికి ఈ మూవీ షూటింగ్ అంతిమ దశకు చేరుకుంటున్న క్రమంలో బాలయ్య కోవిడ్ కు గురికావడం, బాలయ్య కోలుకుని తిరిగి కొత్త షెడ్యూల్ స్టార్ట్ చేస్తున్న క్రమంలో మూవీ టీం లో ఇద్దరు కీలక వ్యక్తులకు కరోనా సోకడం తో ఇప్పటికే మొదలవ్వాల్సిన కొత్త షెడ్యూల్ వాయిదా పడింది.
గోపీచంద్ మలినేని డైరెక్షన్లో బాలయ్య 107 వ సినిమాగా రూపొందుతున్న ఈ హై ఓల్టేజ్ యాక్షన్ ఎంటర్టైనర్ లో శృతి హాసన్ హీరోయిన్ గా నటిస్తుంది. వరలక్ష్మి శరత్ కుమార్, దునియా విజయ్ కీరోల్స్ పోషిస్తున్న ఈ చిత్రానికి తమన్ సంగీతం అందిస్తున్నారు.
|
|