"ఆదిపురుష్" పై కృతిసనన్ ఇంటరెస్టింగ్ కామెంట్స్
cinema | Suryaa Desk | Published : Thu, Jul 14, 2022, 03:09 PM
పాన్ ఇండియా స్టార్ ప్రభాస్, బాలీవుడ్ డైరెక్టర్ ఓం రౌత్ కాంబోలో, మైథలాజికల్ ఎంటర్టైనర్ గా రూపొందిన చిత్రం "ఆదిపురుష్". ఓం రౌత్ - అజయ్ దేవగణ్ కాంబోలో వచ్చిన తాన్హాజి ఉత్తరాదిన ఘనవిజయం సాధించింది. తాన్హాజి తదుపరి ఓం రౌత్ చేసున్న చిత్రం కావడంతో ఈ సినిమాపై భారీ అంచనాలు నెలకొన్నాయి. ఈ సినిమా భారతీయ పురాణేతిహాసమైన "రామాయణం" ఆధారంగా రూపొందబడింది. ఇందులో ప్రభాస్ రాఘవ పాత్రలో, కృతిసనన్ జానకి పాత్రలో, సైఫ్ అలీఖాన్ లంకేష్ పాత్రలో, సన్నీ సింగ్ లక్ష్మణుడిగా నటిస్తున్నారు. రూ. 500కోట్ల బడ్జెట్ తో టి సిరీస్, రెట్రోఫిల్స్ సంస్థలు ఈ చిత్రాన్ని ఎంతో ప్రతిష్టాత్మకంగా నిర్మించారు.
ఇటీవల ఒక ఇంటర్వ్యూలో పాల్గొన్న కృతి ఈ సినిమాలో తన రోల్ పై ఇంటరెస్టింగ్ కామెంట్స్ చేసింది. హిందూ ధర్మ శాస్త్రంలో, సమాజంలో గౌరవనీయ స్థానంలో ఉండి, పూజలందుకుంటున్న సీతమ్మ పాత్రలో నటించేందుకు తాను చాలా నెర్వస్ గా ఫీల్ అయ్యానని, అదేవిధంగా ఒక బరువైన పాత్ర భారం తనపై ఉన్నందుకు అంతే బాధ్యతగా ఫీల్ అయ్యానని చెప్పింది. ప్రస్తుతం పోస్ట్ ప్రొడక్షన్ పనులను జరుపుకుంటున్న ఈ సినిమా వచ్చే సంవత్సరం సంక్రాంతి పండగకి విడుదల కాబోతుంది.
|
|