"వారియర్" ఫలితం "పుష్ప" మేకర్స్ ను ఆలోచనలో పడేస్తుందా?

కోలీవుడ్ డైరెక్టర్ లింగుసామి డైరెక్షన్లో ఎనర్జిటిక్ హీరో రామ్, కృతిశెట్టి జంటగా నటించిన "ది వారియర్" మూవీ ఈ రోజే ప్రేక్షకుల ముందుకు వచ్చింది. సినిమాకైతే ప్రేక్షకుల నుండి సూపర్ రెస్పాన్స్ వస్తుంది కానీ, మ్యూజిక్ ఆల్బమ్ అండ్ BGM ల విషయంలో ఫుల్ నెగిటివ్ కామెంట్స్ వినిపిస్తున్నాయి. ఈ చిత్రానికి మ్యూజిక్ డైరెక్టర్ గా పని చేసిన రాక్ స్టార్ దేవిశ్రీప్రసాద్ బుల్లెట్, విజిల్ వంటి రెండు చార్ట్ బస్టర్లను ఇచ్చాడు కానీ, మిగిలిన పాటలకు సోసోమనిపించే ట్యూన్లనే ఇచ్చాడు. కమర్షియల్ సినిమాల విజయంలో కీలక పాత్ర పోషించే బ్యాక్ గ్రౌండ్ అండ్ RR విషయంలో DSP పూర్తిగా విఫలమయ్యాడనే చెప్పాలి. ఒకవేళ DSP వారియర్ కు అదిరిపోయే RR ను ఇచ్చివుంటే, ప్రేక్షకుల రెస్పాన్స్ మరోలా ఉండేది. సూపర్ హిట్ టాక్ తో సినిమా థియేటర్లలో రన్ అయ్యేది.
వారియర్ విజయంలో కీలక పాత్ర పోషించడంలో ఫెయిల్ ఐన DSP, తదుపరి దేశవ్యాప్త ప్రేక్షకులు ఎంతగానో ఎదురుచూస్తున్న బ్లాక్ బస్టర్ హిట్ చిత్రం "పుష్ప" కు మ్యూజిక్ కంపోజ్ చేయనున్నాడు. వారియర్ సినిమాకు ప్రేక్షకులు ఇస్తున్న రెస్పాన్స్ పుష్ప మేకర్స్ ను ఒకవిధంగా ఆలోచనలో పడేస్తుందేమో! ఎందుకంటే పుష్ప మొదటి భాగానికి కూడా దేవి సరైన BGM ను ఇవ్వలేదు. కానీ, సూపర్ హిట్ చార్ట్ బస్టర్ ఆల్బమ్ నిచ్చాడు. మరి ఆకాశాన్నంటుతున్న పుష్ప 2 అంచనాలను అందుకోవడంలో దేవిశ్రీప్రసాద్ సక్సెస్ అవుతాడా? ఒకవేళ ఏమాత్రం అటుఇటు ట్యూన్స్, పేలవ BGM నిచ్చినా పుష్ప ఫలితం తారుమారవుతుంది. దీంతో కొంతమంది అభిమానులు పుష్ప మేకర్స్ ను మ్యూజిక్ డైరెక్టర్ విషయంలో మరొక్కసారి ఆలోచన చెయ్యమని సోషల్ మీడియాలో కామెంట్లు పెడుతున్నారు.