"వారియర్" కు గట్టి పోటీనిచ్చిన "గురు" ...!!
cinema | Suryaa Desk | Published : Fri, Jul 15, 2022, 01:32 PM
ఎనర్జిటిక్ హీరో రామ్ వారియర్ గా ప్రేక్షకుల ముందుకొచ్చి, తన పవర్ఫుల్ పెర్ఫార్మన్స్ తో వారిని ఇంప్రెస్ చేసాడు. కెరీర్లో తొలిసారి పోలీసాఫీసర్ గా నటించిన రామ్ తన ఠీవి తో, స్టైలిష్ మేకోవర్ తో ఆ గెటప్ కు ఫ్రెష్ లుక్ తీసుకొచ్చాడు. అంతే పవర్ఫుల్ గా నటించి ప్రేక్షకులను మెప్పించాడు. రామ్ హీరోయిజాన్ని తన విలనిజం తో గట్టిగా ఎదుర్కొన్నాడు ఆది పినిశెట్టి. సినిమా చూసిన ప్రతి ఒక్కరు రామ్ తో పాటుగా ఆది గురించి కూడా మాట్లాడుకుంటున్నారంటే, ఆయన సినిమాలో ఎంత బాగా నటించాడో అర్ధం అవుతుంది. సినిమాలో గురు పాత్రను పోషించిన ఆది తన స్టైల్ విలనిజం తో మరోసారి "సరైనోడు" సినిమాను గుర్తుకు తీసుకొచ్చాడు.
ఆది తొలిసారి విలన్గా నటించింది అల్లు అర్జున్ నటించిన సరైనోడు సినిమాలో. అందులో వైరం ధనుష్ గా నటించి, ప్రేక్షకులను ఫిదా చేసిన ఆది ఈసారి గురు గా అంతకు రెట్టింపు మార్కులను అందుకున్నాడు.
లింగుసామి డైరెక్షన్లో తెలుగు, తమిళ భాషలలో ఏకకాలంలో విడుదలైన ఈ చిత్రంలో కృతిశెట్టి, అక్షర గౌడ హీరోయిన్లుగా నటించారు. దేవిశ్రీప్రసాద్ సంగీతం అందించారు.
|
|