నెట్ ఫ్లిక్స్ టాప్ ట్రెండింగ్ లో సత్యదేవ్ "గాడ్సే"
cinema | Suryaa Desk | Published : Mon, Jul 18, 2022, 06:32 PM
బ్లఫ్ మాస్టర్, తిమ్మరుసు, స్కై ల్యాబ్ సినిమాలతో ప్రేక్షకుల్లో విశేష ఆదరణను చూరగొన్న యంగ్ హీరో సత్యదేవ్ నటించిన కొత్త చిత్రం "గాడ్సే". ఇటీవల థియేటర్లలో విడుదలైన ఈ చిత్రానికి ప్రేక్షకుల నుండి తగినంత ఆదరణ దక్కలేదు. దీంతో ఏమాత్రం ఆలస్యం చెయ్యకుండా ఈ సినిమా డిజిటల్ ఎంట్రీ ఇచ్చేసింది. సత్యదేవ్ నటించిన "బ్లఫ్ మాస్టర్" ను తెరకెక్కించిన గోపి గణేష్ పట్టాభి గాడ్సే సినిమాకు డైరెక్టర్ గా వ్యవహరించారు. ఇందులో ఐశ్వర్య లక్ష్మి హీరోయిన్ గా నటించింది. CK స్క్రీన్స్ పతాకంపై సి. కళ్యాణ్ ఈ సినిమాను నిర్మించారు.
ఈ ఆదివారం అంటే జూలై 17 నుండి ప్రముఖ నెట్ ఫ్లిక్స్ ఓటిటిలో గాడ్సే మూవీ స్ట్రీమింగ్ అవడం ప్రారంభించింది. ప్రస్తుతం నెట్ ఫ్లిక్స్ టాప్ ట్రెండింగ్ మూవీస్ లో గాడ్సే దూసుకుపోతుంది. థియేటర్లలో ఉసూరుమనిపించి గాడ్సే కు ఓటిటిలో ఇంత మంచి స్పందన రావడం ఊహించిందే. దీంతో మేకర్స్ చాలా సంతోషంగా ఉన్నారు. ఈ విషయాన్ని తెలుపుతూ స్పెషల్ పోస్టర్ ను కూడా విడుదల చేసారు.
|
|