నెక్స్ట్ ప్రాజెక్ట్ ను ఫిక్స్ చేసుకున్న 'అశోకవనం' బ్యూటీ
cinema | Suryaa Desk | Published : Mon, Jul 18, 2022, 06:46 PM
ఆకతాయి సినిమాతో 2017లో టాలీవుడ్ ఎంట్రీ ఇచ్చిన లండన్ భామ రుక్సార్ థిల్లాన్. ఆపై కృష్ణార్జున యుద్ధం, ఏబీసీడీ సినిమాలలో హీరోయిన్ గా నటించినప్పటికీ ఇటీవల విడుదలైన విశ్వక్ సేన్ "అశోకవనంలో అర్జున కళ్యాణం" తోనే రుక్సార్ కు మంచి గుర్తింపు వచ్చింది.
తాజాగా రుక్సార్ తన నెక్స్ట్ ప్రాజెక్ట్ ను ఫిక్స్ చేసుకున్నట్టు తెలుస్తుంది. కొత్త దర్శకుడు అరవింద్ కుమార్ రవివర్మ డైరెక్షన్ లో యంగ్ బిజినెస్ మాన్ విక్రాంత్ హీరోగా పరిచయమవుతున్న "స్పార్క్" చిత్రంలో రుక్సార్ థిల్లాన్ హీరోయిన్ గా సెలెక్ట్ అయ్యింది. ఈ మేరకు ఆమెకు సుస్వాగతం పలుకుతూ మూవీ టీం స్పెషల్ పోస్టర్ ను రిలీజ్ చేసింది. ఐతే, ముందు ఈ సినిమాలో మెహ్రీన్ హీరోయిన్ గా సెలెక్ట్ అయ్యింది. మరి ఆమె ప్లేస్ లో రుక్సార్ ను రీప్లేస్ చేసారా లేక, రుక్సార్ సెకండ్ హీరోయిన్ రోల్ పోషిస్తుందా అన్నది తెలియాల్సి ఉంది. ఈ సినిమాకు మలయాళ ఫేమస్ మ్యూజిక్ డైరెక్టర్ హేశం అబ్దుల్ వాహబ్ సంగీతం అందిస్తున్నారు.
|
|