ఆ వీడియోతో... అనవసరంగా కాంట్రవర్సీలో ఇరుక్కున్న శ్రావణభార్గవి
cinema | Suryaa Desk | Published : Wed, Jul 20, 2022, 11:04 AM
టాలీవుడ్ టాప్ తెలుగు సింగర్స్ లో శ్రావణభార్గవి ఒకరు. ప్రముఖ సింగర్ హేమచంద్రను ప్రేమించి పెళ్లి చేసుకున్న శ్రావణ అతని నుండి విడిపోవాలనుకుంటుందని మొన్నీమధ్య వరకు సోషల్ మీడియాలో ప్రచారం జరిగింది. ఆ వార్తలు కేవలం పుకార్లే అని భార్యాభర్తలిద్దరూ ఇండైరెక్ట్ గా స్పందించడంతో ఆ న్యూస్ కు ఫుల్ స్టాప్ పడింది.
తాజాగా మరొకసారి శ్రావణభార్గవి పేరు మీడియాలో హాట్ టాపిక్ గా మారింది. ఈసారి ఒక వీడియో చేసి అనవసరంగా కాంట్రవర్సీ నెదుర్కుంటుంది. అన్నమాచార్యుడి "ఒకపరికొకపరి వయ్యారం" సంకీర్తనను శ్రావణ సొంతంగా పాడి, నటించింది. మూడురోజుల క్రితం తన యూట్యూబ్ ఛానెల్ లో అప్లోడ్ చేసిన ఆ వీడియోలో శ్రావణ పడుకుని అన్నమాచార్యుడి పుస్తకాలను చదువుతుంటుంది. అలా చెయ్యడం పలువురు అన్నమయ్య భక్తులను తీవ్రంగా నిరాశపరిచింది. దీంతో ఈ వీడియోను తొలగించాలని అన్నమాచార్యుడు భక్తులు డిమాండ్ చేస్తున్నారు. దీనిపై స్పందించిన శ్రావణ భార్గవి వీడియోను తొలగించనని, పడుకుని చేస్తే తప్పేంటని వారిని ఎదురు ప్రశ్నించింది. దీంతో కొంతమంది భక్తులు లీగల్ గా ఆమెపై చర్యలు తీసుకునేందుకు సిద్ధమవుతున్నారు.
|
|