నయనతారకు షాకిచ్చిన నెట్ ఫ్లిక్స్... పాతిక్కోట్లు కట్టమని డిమాండ్
cinema | Suryaa Desk | Published : Wed, Jul 20, 2022, 11:24 AM
కోలీవుడ్ లేడీ సూపర్ స్టార్ నయనతార ఇటీవలే పెళ్లి చేసుకున్న విషయం అందరికి తెలిసిందే. జూన్ 9వ తేదీన, చిరకాల మిత్రుడు, ప్రేమికుడు డైరెక్టర్ విఘ్నేష్ శివన్ తో ఏడడుగులు నడిచిన ఈ 37ఏళ్ళ సీనియర్ హీరోయిన్ తన సినీ కెరీర్ ను పక్కా కమర్షియల్ గా ప్లాన్ చేసుకుని, సౌత్ లో హైయెస్ట్ రెమ్యునరేషన్ అందుకునే నటిగా రికార్డు క్రియేట్ చేసింది. విశేషమేంటంటే, నయన్ తన పెళ్లిని కూడా కమర్షియల్ చేసింది. తన పెళ్లిని ఎక్క్లూజివ్ గా ప్రసారం చేసేందుకు ప్రముఖ ఓటిటి నెట్ ఫ్లిక్స్ తో భారీ డీల్ ను కుదుర్చుకుంది. ఈ మేరకు నెట్ ఫ్లిక్స్ నయన్ పెళ్ళికి సంబంధించిన ప్రతి విషయాన్ని ఎంతో శ్రద్ధ పెట్టి చేసింది. 3500 విలువ చేసే భోజనం ప్లేట్ నుండి, ఆమె మేకప్, గెస్ట్స్ ఎకామడేషన్, సెక్యూరిటీ, వెన్యూ డెకర్... ఇలా బాగానే ఖర్చు పెట్టింది నెట్ ఫ్లిక్స్.
కానీ, నయన్ పెళ్ళికి సంబంధించిన ఫోటోలు విఘ్నేష్ శివన్ ఇంస్టాగ్రామ్ ఖాతా ద్వారా బయటకు రావడంతో, తమ డీల్ ను బేఖాతరు చేసారని వారి దగ్గరనుండి పాతిక్కోట్లు డిమాండ్ చేస్తుంది. ఈ మేరకు నయన్ దంపతులకు నోటీసులు కూడా వెళ్లాయని వినికిడి. పాపం...నయన్ పెళ్ళైన వెంటనే తిరుపతి వివాదం, మళ్ళీ ఇప్పుడు ఇది... వరస కాంట్రవర్సీలను ఎదుర్కొంటూనే ఉంది.
|
|