యూట్యూబ్ ఇంకా తగ్గని "రెడ్డి" సాంగ్ హవా..!!
cinema | Suryaa Desk | Published : Thu, Jul 21, 2022, 05:16 PM
MS రాజశేఖర్ రెడ్డి దర్శకత్వంలో యంగ్ హీరో నితిన్, 'ఉప్పెన' ఫేమ్ కృతిశెట్టి జంటగా నటిస్తున్న చిత్రం "మాచర్ల నియోజకవర్గం". శ్రేష్ట్ మూవీస్ పతాకంపై సుధాకర్ రెడ్డి, నిఖితా రెడ్డి నిర్మిస్తున్న ఈ చిత్రంలో కేథరిన్ థెరిస్సా మరో హీరోయిన్ గా నటిస్తున్నారు. మహతీ స్వరసాగర్ ఈ సినిమాకు సంగీతం అందిస్తున్నారు.
ప్రపంచవ్యాప్తంగా ఆగస్టు 12న విడుదలవడానికి సిద్ధమవుతున్న ఈ సినిమాలోని "రా రా రెడ్డి ...ఐయామ్ రెడీ " అనే మాస్ మసాలా పాటకు ప్రేక్షకుల నుండి విశేష స్పందన వస్తుంది. యూట్యూబులో ఈ పాట విడుదలై పదకొండు రోజులు గడుస్తున్నప్పటికీ ఇంకా, టాప్ ట్రెండింగ్ వీడియోస్ లో నెంబర్ వన్ పొజిషన్ లో ఉండడం విశేషం. ఈ విషయాన్ని తెలుపుతూ మేకర్స్ స్పెషల్ ఎనౌన్స్మెంట్ చేసారు. ఇప్పటివరకు యూట్యూబులో ఈ పాటకు ఇరవై మిలియన్ల వ్యూస్, 300కే లైక్స్ వచ్చాయి,ఈ పాటలో నితిన్, అంజలి కలిసి వేసే మాస్ స్టెప్పులు ప్రేక్షకుల చేత విజిల్స్ కొట్టించే విధంగా ఉన్నాయి. ముఖ్యంగా ఈ పాటలో అంజలి సూపర్ హాట్ గా కనిపించి, ప్రేక్షకులను మరింతగా ఆకట్టుకుంటుంది. ఈ పాటను లిప్సిక, ఆదిత్య అయ్యంగార్ కలిసి ఆలపించగా, కాసర్ల శ్యామ్ సాహిత్యమందించారు.
|
|