ట్రెండింగ్
"బింబిసార" నుండి సెకండ్ సింగిల్ ఔట్
cinema | Suryaa Desk | Published : Thu, Jul 21, 2022, 05:31 PM
నందమూరి హీరో కళ్యాణ్ రామ్ నటిస్తున్న కొత్త చిత్రం "బింబిసార". రచయిత- డైరెక్టర్ వశిష్ట్ తెరకెక్కించిన ఈ మూవీలోని ఫస్ట్ లిరికల్ సాంగ్ "ఈశ్వరుడే", ఇటీవలే విడుదలై విశేష ఆదరణ దక్కించుకుంది. ప్రపంచవ్యాప్తంగా ఆగస్టు 5 వ తేదీన విడుదల కావడానికి రెడీ అవుతుంది.
లేటెస్ట్ గా బింబిసార సెకండ్ సింగిల్ "ఓ... తేనె పలుకుల" అని సాగే ఫోక్ సాంగ్ లిరికల్ వెర్షన్ లో రిలీజ్ అయ్యింది. ఈ పాటను వరికుప్పల యాదగిరి కంపోజ్ చెయ్యగా, హైమత్ మొహమ్మద్, సత్య యామిని ఆలపించారు. ఈ పాట వీడియో జూలై 23 వ తేదీన విడుదల కాబోతుంది.
ఇందులో క్యాథెరిన్ థెరెసా, సంయుక్త మీనన్, వారిన హుస్సేన్, వెన్నెల కోశోర్, బ్రహ్మాజీ, శ్రీనివాస రెడ్డి తదితరులు నటిస్తున్నారు. ఈ చిత్రానికి బ్యాక్ గ్రౌండ్ స్కోర్ ను ఎం.ఎం కీరవాణి అందిస్తున్నారు. హరికృష్ణ కే ఈ చిత్రాన్ని నిర్మిస్తున్నారు.
|
|