హను సెంటిమెంట్ "సీతారామం" తో బ్రేక్ పడుతుందా...?
cinema | Suryaa Desk | Published : Tue, Jul 26, 2022, 04:45 PM
టాలీవుడ్ కున్న అతికొద్దిమంది క్రియేటివ్ డైరెక్టర్లలో హను రాఘవపూడి ఒకరు. తొలిచిత్రం "అందాల రాక్షసి" తోనే తన ట్యాలెంట్ ఏంటో టాలీవుడ్ కి క్లియర్ గా చూపించాడు హను. హార్ట్ టచింగ్ లవ్ స్టోరీలని తీయడంలో హను రూటే సపరేటు. అందాల రాక్షసి తదుపరి కృష్ణగాడి వీర ప్రేమగాథ, లై, పడి పడి లేచే మనసు వంటి సినిమాలను తీసినా ఒక్క కృష్ణగాడి వీర ప్రేమగాథ ఒక్కటే కమర్షియల్గా సక్సెస్ అయ్యింది. చెప్పాలంటే అదొక్కటే హను కెరీర్లో హిట్.
కానీ, హను సినిమాలంటే ఆడియన్స్ లో మంచి క్రేజ్ ఉంటుంది. అందాల రాక్షసి, కృష్ణగాడి వీర ప్రేమగాథ చిత్రాల క్రేజ్ తో లై, పడి పడి లేచే మనసు సినిమాల ట్రైలర్ లకు ప్రేక్షకుల నుండి మంచి స్పందన వచ్చింది. ఆ సినిమాల ప్రీ రిలీజ్ ప్రమోషన్స్ లో భాగంగా రిలీజ్ ఐన లిరికల్ సాంగ్స్, టీజర్, ట్రైలర్ లు ప్రేక్షకులను విశేషంగా ఆకట్టుకున్నాయి. తీరా ఆ సినిమాలు థియేటర్లలో రిలీజ్ ఐన తర్వాత ప్రేక్షకుడి రెస్పాన్స్ మరోలా ఉంది.
తాజాగా హను డైరెక్ట్ చేసిన సీతారామం ట్రైలర్ కు కూడా ప్రేక్షకులు విశేష ఆదరణ కనబరుస్తున్నారు. అద్భుతమైన విజువల్స్, ఎమోషనల్ జర్నీ, మంచి సబ్జెక్టుతో సినిమా తీసాడని అంతా అనుకుంటున్నారు. మరి ఆగస్టు 5న విడుదల కాబోతున్న సీతారామం హను సెంటిమెంట్ ను బ్రేక్ చేసి సూపర్ డూపర్ హిట్ అవుతుందా..? తెలియాలంటే ఇంకొన్ని రోజులు ఆగాల్సిందే.
|
|