RRR: ఔరా! అనిపిస్తున్న జక్కన్న పోస్ట్ రిలీజ్ స్ట్రాటజీ..!!
cinema | Suryaa Desk | Published : Tue, Jul 26, 2022, 04:47 PM
ఈ ఏడాదిలో విడుదలైన అద్భుతమైన పాన్ ఇండియన్ విజువల్ వండర్ "RRR". రాజమౌళి డైరెక్షన్లో యంగ్ టైగర్ ఎన్టీఆర్, మెగాపవర్ స్టార్ రామ్ చరణ్ తేజ్ కలిసి నటించిన ఈ చిత్రంలో ఆలియాభట్, అజయ్ దేవగణ్, ఒలీవియా మోరిస్, శ్రేయా శరణ్ కీలకపాత్రలు పోషించారు. ఎం ఎం కీరవాణి సంగీతం అందించగా, డీవీవీ దానయ్య నిర్మించారు.
ఇండియన్ బాక్సాఫీస్ వద్ద ఈ సినిమా సృష్టించిన ప్రభంజనం అంతా ఇంతా కాదు. దేశవిదేశాల్లో కూడా RRR షోలకు బిగ్ రెస్పాన్స్ వస్తుంది. ప్రముఖ నెట్ ఫ్లిక్స్, జీ 5 ఓటిటిలలో స్ట్రీమింగ్ అవుతున్న RRR తాజాగా ఈ రోజునుండి డిస్నీ ప్లస్ హాట్ స్టార్ లో కూడా స్ట్రీమింగ్ అవ్వడం ప్రారంభించింది. ఈ మేరకు ముందుగానే ఆయా ఓటిటీలతో జక్కన్న ఒప్పందం కుదుర్చుకున్నాడట. హిందీ మరియు పలు విదేశీ భాషల వెర్షన్ నెట్ ఫ్లిక్స్ లో, సౌత్ ఇండియన్ లాంగ్వేజెస్ లో జీ 5, డిస్నీ ప్లస్ హాట్ స్టార్ లలో RRR స్ట్రీమింగ్ జరుగుతుంది. ఇలా, ఒక సినిమా ఒకటి కాదు రెండు కాదు మూడు ప్రముఖ ఓటిటీలలో స్ట్రీమింగ్ అవ్వడం అంటే మాములు విషయం కాదు. RRR పై ఆడియన్స్ చూపిస్తున్న ఆదరణే ఇందుకు కారణం. ఇలా, మూడు ఓటీటీలతో ఒప్పందం కుదుర్చుకోవడం వెనక రాజమౌళి మాస్టర్ మైండ్ ఉందని తెలుస్తుంది. సినిమా ప్రేక్షకులకు ఎలా రీచ్ చెయ్యాలో జక్కన్నకు బాగా తెలుసు. ఇది జగమెరిగిన సత్యం. ఏదిఏమైనా... మూడు ఓటిటీలు ...ఒక్క సినిమా... అంటే మేకర్స్ కు ఎంత లాభం తెచ్చిపెట్టాడో జక్కన్న.
|
|