సమంతకు విరుద్ధంగా ప్లాన్ చేస్తున్న నాగచైతన్య ..!!

టాలీవుడ్ క్యూట్ హీరోహీరోయిన్లు, మాజీ భార్యాభర్తలు నాగచైతన్య, సమంత గతేడాది విడిపోయినప్పటి నుండి వరస సినిమాలు చేస్తూ బిజీగా గడుపుతున్నారు.
సమంత పాన్ ఇండియా, బాలీవుడ్, హాలీవుడ్ ... అంటూ అంచెలంచెలుగా ఎదిగిపోతుంది. శాకుంతలం, యశోద పాన్ ఇండియా సినిమాలు కాగా, సిటాడెల్ పాన్ ఇండియా వెబ్ సిరిస్, హాలీవుడ్ లో ఎరేంజ్మెంట్స్ ఆఫ్ లవ్ అనే ప్రాజెక్టులతో సమంత తన స్టార్డం ను పెంచుకుంటూ పోతుంది. ఇవి కాకుండా, బాలీవుడ్ రంగప్రవేశం చెయ్యాలని ఎప్పటి నుండో కుతూహలంగా ఎదురుచూస్తుంది. సౌత్ లో మంచి అవకాశాలు రాకపోవడం వల్ల బాలీవుడ్ వైపు దృష్టి సారించింది సమంత. అక్కడ కూడా తన హవా చాటాలని విశ్వ ప్రయత్నాలు చేస్తుంది. త్వరలోనే ఆమె హిందీ సినిమాల అధికారిక ప్రకటన జరుగుతుంది.
ఇక, చైతు విషయానికొస్తే, బాలీవుడ్ మిస్టర్ పర్ఫెక్ట్ ఆమీర్ ఖాన్ తో కలిసి "లాల్ సింగ్ చద్దా" సినిమాలో కీరోల్ పోషించాడు. ఈ చిత్రంతోనే చైతు హిందీరంగ ప్రవేశం చేస్తున్నారు. తదుపరి కూడా బాలీవుడ్ లో కంటిన్యూ అవుతారా? లాల్ సింగ్ చద్దా తెలుగు ట్రైలర్ లాంచ్ కార్యక్రమంలో విలేఖరి అడగ్గా అందుకు చైతు చెప్పిన సమాధానం, సమంత కు ఆయనకు ఉన్న తేడాను క్లియర్ గా తెలియచేస్తుంది. తనకు తెలుగు సినిమాలు చెయ్యడమే ఇష్టమని, ప్రస్తుతానికైతే, హిందీ సినిమాల ఆలోచనే లేదని, కేవలం ఆమీర్ తో కలిసి పని చెయ్యాలన్న కుతూహలం తోనే లాల్ సింగ్ చద్దా లో నటించినట్టు పేర్కొన్నాడు. లాల్ సింగ్ రెస్పాన్స్ బట్టి తన బాలీవుడ్ ఆలోచనలు ఉంటాయని చెప్పారు.
మాజీ భార్యాభర్తలు ఒకరు టాలీవుడ్ లో సత్తా చాటాలనుకుంటుంటే, మరొకరు బాలీవుడ్ వైపు పరుగులు తీస్తున్నారు.