నితిన్ "MNV"... అదిరిందే మేకింగ్ వీడియో రిలీజ్
cinema | Suryaa Desk | Published : Sat, Jul 30, 2022, 11:09 AM
నితిన్, కృతిశెట్టి జంటగా నటిస్తున్న మాచర్ల నియోజకవర్గం నుండి అదిరిందే అనే పాట యొక్క మేకింగ్ వీడియోను మేకర్స్ విడుదల చేసారు. హీరో తన ప్రేమని హీరోయిన్ కి తెలుపుతూ పాడే పాట ఇది. సింపుల్ లిరిక్స్, బ్యూటిఫుల్ మెలోడీ మ్యూజిక్ కలిపి ఈ పాట సింప్లి సూపర్ గా ఉంటుంది. ఈ పాటను సంజిత్ హెగ్డే ఆలపించగా, కృష్ణ కాంత్ లిరిక్స్ అందించారు. మహతీ స్వరసాగర్ సంగీతం అందించారు.
MS రాజశేఖర్ రెడ్డి డైరెక్షన్లో పొలిటికల్ యాక్షన్ ఎంటర్టైనర్ గా రూపొందిన ఈ చిత్రం ఆగస్టు 12న ప్రపంచవ్యాప్తంగా విడుదల కాబోతుంది. విడుదల తేదీ దగ్గర పడుతుండడంతో మేకర్స్ ఈ సినిమాలో కీలకపాత్రలు పోషించిన నటీనటుల ఫస్ట్ లుక్ పోస్టర్లను ఒక్కొక్కటిగా రివీల్ చేస్తున్నారు. వీటికి ప్రేక్షకుల నుండి మంచి రెస్పాన్స్ వస్తుంది. ఇక, సెకండ్ లిరికల్ సాంగ్ గా రిలీజైన "రా రా రెడ్డి" ఐటెం సాంగ్ కు వస్తున్న రెస్పాన్స్ గురించి ప్రత్యేకంగా చెప్పనవసరం లేదు. ఇకపోతే, ఈ రోజు సాయంత్రం మాచర్ల నియోజకవర్గం మాస్ ట్రైలర్ లాంచ్ కాబోతుంది.
|
|