రౌడీ హీరో అడ్డాగా ముంబై.. లైగర్ ప్రమోషన్స్ కు మాసివ్ క్రౌడ్
cinema | Suryaa Desk | Published : Mon, Aug 01, 2022, 04:19 PM
డాషింగ్ డైరెక్టర్ పూరి జగన్నాధ్, రౌడీ హీరో విజయ్ దేవరకొండల కాంబోలో వస్తున్న తొలి చిత్రం "లైగర్". అటు పూరికి, ఇటు విజయ్ కి ఇద్దరికీ ఇదే తొలి పాన్ ఇండియా ప్రాజెక్ట్ కావడం విశేషం. ఇటీవలే లైగర్ ట్రైలర్ విడుదలవగా, దానికి ప్రేక్షకుల నుండి అద్భుతమైన రెస్పాన్స్ వచ్చింది. నిజానికి తెలుగులో కన్నా హిందీలో ఈ ట్రైలర్ కు ఎక్కువ వ్యూస్, లైక్స్ వచ్చాయి. ఈ ట్రైలర్ సినిమాపై అంచనాలను పెంచేసింది. అలానే ఉత్తరాదిన విజయ్ క్రేజ్ విపరీతంగా పెరిగిపోయింది. ఎలా అంటే, కేవలం విజయ్ వచ్చాడని తెలిసి నవి ముంబైలోని ఒక షాపింగ్ కాంప్లెక్స్ మొత్తం జనాలతో కిక్కిరిసిపోయింది. ఆఖరికి జనాలను అదుపు చెయ్యడం సెక్యూరిటీ వల్ల కాకపోవడంతో అక్కడ జరగాల్సిన ఈవెంట్ ను మధ్యలోనే ముగించాల్సి వచ్చింది. ఒక స్టార్ హీరో కి వచ్చే అభిమానులు విజయ్ డిబట్ మూవీకి రావడం విశేషం. మరి ఆగస్టు 25న విడుదల కావలసిన ఈ చిత్రం ఎలాంటి విజయం సాధిస్తుందో అని అంతటా ఆసక్తి నెలకొంది.
|
|